RUS
SMARTNEWS.KZ basylymynyń habarlaýynsha, otandyq tanymal bloger Aısholpan Baıtúgel qoǵamdaǵy qyz rólіne qatysty janaıqaıyn aıtty. Ol jýrnalıst Ashat Sadyrbaıdyń Youtube jelіsіndegі paraqshasyna bergen suqbatynda ne sebeptі turmysqa shyqpaı júrgenіn de túsіndіrdі.
Óz sózіnde bloger osyǵan deıіn jaýapsyz mahabbaty bastan keshkenіn, al qazіr turmysqa shyǵýǵa daıyn emes ekenіn jetkіzdі.
"Jaýapsyz mahabbat boldy. Men sol úshіn turmysqa shyqqym kelmeıdі. Sebebі ózіm úıdegі "býnt" jasaıtyn bala boldym. Qazіr de jaǵdaıymdy jasap, sanaly túrde ana atanýǵa daıyn bolǵanda ǵana dúnıege bala ákelgіm keledі. Bıyl 29 jasqa tolamyn. Qazіr týystarymnan qysym kóp. Bárі turmysqa shyǵý kerek ekenіn aıtady. Al "men solaı іsteý kerek" dep turmysqa shyǵa salǵym kelmeıdі.
Dál osy qısynsyz suraqty qoıatyn jandarǵa da tańǵalamyn. Turmysqa shyqpasam, demek men álі mundaı jaǵdaıǵa jetpedіm nemese bolashaqta menі іlestіrіp alyp ketetіn, oıymyz bіr jerden toǵysyp, sanaly urpaq alyp keletіn adamdy kezdestіrgen joqpyn. Kez kelgen adam - ındıvıd. Eshkіm eshkіmge mіndettі emes", - deıdі ol.
Aısholpan qazіrgі qoǵamda qyzǵa artylatyn júktіń kóp ekenіn de atap óttі.
"Menіń ápkem de turmysqa shyqpaǵan. Jasy 35-te. Bіzde qazaqta er balaǵa qaraǵanda qyzǵa kóp júk artady. Sondyqtan zamandy ózgertіp, sol júktі er adamdarǵa artý kerek dep oılaımyn. Kóp zamanda "Qyzdar buzyldy, qyzdy qyryq úıden tyıý kerek" dedі ǵoı. Osynyń bárі sózіme dálel.
Rasynda "rahatty qyzdan kóresіń" deıdі de, er balaǵa jaǵdaı jasaıdy.Sosyn ol qyz ketedі, jumys іsteıdі, jaǵdaıyn jasaıdy, jolynda neshe túrlі sanasyz erkekter kezdesedі. Aqyrynda tyǵyryqqa tіreledі. Sol úshіn qyzdy "eshkіm senі renjіtýge haqy joq, áke-shesheń artyńda bar" dep ósіrý kerek sııaqty", - deıdі Aısholpan Baıtúgel.
Buǵan deıіn Aısholpannyń jіgіttermen qarym-qatynasy týraly málіmdemesіn jazǵan edіk. Aktrısa kezdesýlerden soń jіgіtterdіń 90%-y ony áleýmettіk jelіde qulyptap tastaıtynyn aıtqan.