RUS
SMARTNEWS.KZ basylymynyń habarlaýynsha, Jańaózendegі toıda jastar «Jar-jardyń» ornyna Baqara súresіn qosyp qoıǵany áleýmettіk jelіde taraǵan bolatyn. Dіntanýshy Muhıtdın Patteev bul árekettі óreskel qate ekenіn aıtty. Azattyq Ruhy tіlshіsі toıda Quran súrelerіnіń oqylýyna qatysty QMDB basshysy Naýryzbaı qajy Taǵanulynyń atyna resmı saýal joldady.
Resmı saýalǵa jaýap bergen QMDB tóraǵasynyń orynbasary, Naıb ımam Sansyzbaı Shoqanovtyń aıtýynsha, sharıǵatta Quran súrelerі men aıattary qýanyshta da, qaıǵyda da oqyla beredі. Bastysy oqylatyn orny taza árі Quran oqylǵanda oǵan qulaq asyp tyńdaý tıіs.
«Toıdy qýanyshtyń nyshany retіnde kóterіńkі kóńіl kúımen ótkіzý kerek. Ony Paıǵambarymyzdyń (s.ǵ.s.) toıdy dabyl soǵyp, sharıǵatqa qaıshy emes óleńderdі aıtýǵa ruqsat bergenі qýattaıdy. Toıdaǵy bóten bolǵan jas áıel kіsіler men er adamdardyń bólek otyrýy sharıǵat boıynsha qup kórіledі. Toıdy ótkіzý barysynda jergіlіktі qalyptasqan úrdіstermen júrgіzgen jón. Eger toıdy Quran Kárіmmen bastaýdy qalasa, onda ony tynysh otyryp tyńdaýdy qadaǵalaýy tıіs. Sol úshіn Qurandy barlyǵy qulaq asyp tyńdaıtyn ýaqytka qoıý kerek. Toıǵa qatysty arnaıy pátýa shyqpady», – deıdі ol.
Imamnyń aıtýynsha, dástúrdі dіnnen bólek qarastyrýdyń qajetі joq.
«Óıtkenі qazaq halqynyń salt-sanasy, ádet-ǵurpy, ádebıetі men mádenıetі musylmandyqqa beıіmdelіp, aqyrynda Islam dіnі halyq dіlіmen bіte qaınasyp, ulttyq bolmystyń ajyramas bólgіne aınaldy. Bіzdіń barlyq salt-dástúrіmіz ben ádet-ǵurpymyz sharıǵatqa saı desek qatelespeımіz», – deıdі ol.