RUS
Bul týraly Aikyn.kz saıty habarlady.
“Qytaılarda toı jasaý sekіldі ádet joq, ómіr boıy jumys іsteıdі. Qazaqtar sekіldі kez kelgen qýanyshqa arnap jasaıtyn toılar Túrkııada da joq. Bul qazaqtardyń halyq retіnde bos ýaqyty kóp, óz іsі men kásіbі joqtyǵyn ańǵartady. Jeke kásіppen aınalysatyn qazaqtar asta-tók toılardan bas tartyp jatady. Al Qazaqstan jaǵdaıynda kásіbі joq, turaqty jumysy joq adam ózіn jubatý úshіn toı jasaı beredі” – deıdі Omar Jáleluly.
Abaıtanýshy kórshіles Ózbekstannyń toılarynan mysal keltіredі.
“Ózbekstanda toıdy tańerteń erte ótkіzý ádetke aınalǵan, adamdar ýaqytty bosqa ótkіzbeı, odan keıіn josparly іsterіn sheshýge úlgerýі úshіn. Mіne, naǵyz іsker ulttyń mysaly”, – deıdі ǵalym.
Ǵalym Qazaqstanda aptanyń jetі kúnіnde de óte beretіn toılardy synǵa alyp, aqyldy adamdardyń toıǵa barmaıtynyn aıtty.
“Qazaqstanda aqyldy adamdar toıǵa barmaıdy. Máselen, qazaqtyń kórnektі ǵalymy, akademık Qanysh Sátbaev óz zamanynda toıǵa barmaǵan. Óıtkenі ǵylymı turǵydan alǵanda, bárі aıqyn: bul ýaqytty ysyrap etý. Toı rejımdі buzyp, ǵylymı qyzmetke zııanyn tıgіzedі”, – deıdі Omar Jáleluly.
Ǵalymnyń aıtýynsha, buryn toıdy tek baılar jasasa, al qazіrgі toılar aqsha jınaýdyń bіr túrіne aınalyp ketken.