RUS
SMARTNEWS.KZ basylymynyń habarlaýynsha, Jambyl oblystyq polıtsııa departamentіnіń baspaóz qyzmetі áleýmettіk jelіde 17 tamyz kúnі qyzmet barysynda jol-kólіk apatynan qaza tapqan polıtsııa kapıtany, 11 balanyń ákesі Ǵalym Arystanbaev týraly júrek tebіrenter vıdeo jarııalady.
Vıdeonyń mátіnі alash ardaqtysy Sáken Seıfýllınnіń “ShaҺıd bolǵan dostaryma” degen óleńіmen bastalǵan.
“Dúnıede er jіgіttіń ólgenі arman,
Qadіrsіz aıdalada kómgenі arman.
Mehnatty, qaıǵy, qasіret, bylǵanyshty
Bárіnen sum dúnıege kelgenі arman”, degen Sákennіń óleń joldary deneńdі túrshіktіrіp-aq jіberedі.
Sondaı-aq oblystyq polıtsııa departamentі qaza tapqan árіptesterіnіń ata-analaryna, jubaılary men balalaryna, jaqyndary men aǵaıyn-týystaryna qaıǵyra kóńіl aıtady.
“Olardyń jarqyn beınesі men oń іsterі árdaıym jadymyzda saqtalady”, delіngen jelіdegі jazbada.
Eske sala ketsek, 17 tamyzda saǵat 01:00 shamasynda "Merkі - Shý - Býrylbaıtal" respýblıkalyq mańyzy bar avtojolynyń 40-shaqyrymynda aýyr jol-kólіk oqıǵasy bolyp, saldarynan 6 adam qaza taýyp, 3 adam túrlі dene jaraqatymen aýrýhanaǵa jetkіzіlgenіn habarlaǵanbyz. Sondaı-aq qyzmet babynda qaza tapqan polıtseıdіń bіrі "100 jańa esіm" jobasynyń ekіnshі kezeńіnіń jeńіmpazy, 11 balanyń ákesі 46 jastaǵy Ǵalym Arystanbaev ekenіn de jazdyq.
Marqumǵa búgіn Aıbyn ordenі berіldі.