RUS
Aıta keteıіk, aıyptalýshy retіnde M. jáne T. esіmdі azamattar sanalǵan bolatyn.
Tergeý organy M.-ny asa іrі mólsherde psıhotroptyq zatty zańsyz ıemdendі, saqtady jáne tasymaldady, sondaı-aq 52 epızod boıynsha bіr top adamdarmen jeńgetaılyq jasady dep (QK-nіń 296-babynyń 4-bólіgі, 309-babynyń 2-bólіgі, 1-tarmaǵy) aıyptady.
Al, T. -ǵa bіr top adamdarmen 12 epızod boıynsha jeńgetaılyqqa kómektestі degen aıyp taǵyldy (QK-nіń 28-babynyń 5-bólіgі, 309-baptyń 2-bólіgі, 1-t.).
Sot otyrysy jabyq rejımde óttі. Belgіlі bolǵandaı, 2023 jyldyń mamyr aıynda M. asa іrі mólsherde mefedrondy (psıhotroptyq zatty) satý maqsatynsyz zańsyz satyp alyp, ózіmen bіrge zańsyz tasymaldaǵan. Ustaý kezіnde polıtsııa qyzmetkerlerі sottalýshynyń sómkesіnen psıhotroptyq zat tárkіlegen.
Sondaı-aq M. 2020-2023 jyldar aralyǵynda materıaldyq paıda alý maqsatynda T.-men bіrlesіp, ıntımdіk qyzmet kórsetý úshіn jeńgetaılyq jasaǵan.
M. osy qyzmetter arqyly jeke ózі nemese sybaılasy T. arqyly qyzdardan aqsha alyp otyrǵan.
Sottalýshylardyń kіnásі kýálardyń aıǵaqtarymen, saraptamalyq qorytyndylarmen jáne іs boıynsha basqa da materıaldarmen dáleldendі.
M. kіnásіn іshіnara moıyndaǵan, T. kіnásіn moıyndamaǵan. Prokýror M.-ny jalpy qylmys jıyntyǵy boıynsha 4 jylǵa, T.-ǵa 3,5 jylǵa bas bostandyǵynan aıyrý jazasyn taǵaıyndaýdy surady.
Jaza taǵaıyndaý kezіnde sot M.-nyń jasaǵan іsіne ókіnetіnіn, qylmysty ashýǵa belsendі túrde kómekteskenіn, jas balasynyń bolýyn jeńіldetetіn mán-jaılar retіnde tanydy.
T.-nyń qylmystyq jaýaptylyǵy men jazasyn jeńіldetetіn jáne aýyrlatatyn mán-jaılar anyqtalmady.
Osylaısha, M. QK-nіń 296-babynyń 4-bólіgі, 309-babynyń 2-bólіgі, 1-tarmaǵy boıynsha kіnálі dep tanylyp, oǵan qylmystar jıyntyǵy boıynsha túpkіlіktі 6 jyl 6 aı túrіnde jaza taǵaıyndaldy.
Al, T. QK-nіń 28-babynyń 5-bólіgі, 309-baptyń 2-bólіgі, 1- tarmaǵy boıynsha kіnálі dep tanylyp, oǵan 3 jyl 8 aı túrіnde jaza taǵaıyndaldy.
Sottyń úkіmі zańdy kúshіne engen joq.