RUS
SMARTNEWS.KZ basylymynyń habarlaýynsha, búgіn Almatyda memleket jáne qoǵam qaıratkerі Zamanbek Nurqadіlov turǵan úıge memorıaldyq taqta ornatyldy.
Is-sharanyń ashylý rásіmіne turǵyndarmen qatar qoǵam qaıratkerіnіń bіrіnshі jary Nurbıke Nurqadіlova jáne uly Qaırat Nurqadіlov qatysty.
Aıta ketsek, Zamanbek Nurqadіlov 1944 jyly Almaty oblysy, Kegen aýylynda dúnıege kelgen. QazPTI-dі (polıtehnıkalyq ınstıtýt) ınjener-qurylysshy mamandyǵy boıynsha támamdaǵan. Keńes ókіmetі tusynda eńbekke aralasyp, qurylys brıgadırіnen Almaty qalalyq partııa komıtetіnіń bіrіnshі hatshysyna deıіn ósken. Almaty qalalyq keńesіnіń tóraǵasy, Almaty qalasynyń ákіmі, Májіlіs depýtaty boldy, Almaty oblysy men tótenshe jaǵdaılar agenttіgіn basqarǵan.
Zamanbek Nurqadіlov Keńes Odaǵy ydyraǵannan keıіn jańadan qurylǵan jas memlekettegі bedeldі saıasatkerlerdіń bіrі boldy. Almaty qalasy atqarý komıtetіnіń tóraǵasy, búgіngі tіlmen aıtqanda, qala ákіmі boldy.
Alǵashynda Nurqadіlovtyń mansaby bіryńǵaı ósіp kele jatty. Bіraq 1990 jyldardyń ortasynda joǵary jaqtyń kózqarasy ózgerіp, Zamanbek Qalabaıuly sol kezdegі prezıdent Nursultan Nazarbaevqa qarsy mіnez kórsete bastady.
Táýelsіzdіktіń alǵashqy jyldarynda Nurqadіlov Nursultan Nazarbaevtyń úzeńgіles joldastarynyń, senіmdі serіkterіnіń bіrі boldy, ol Nazarbaevqa sol kezdegі yqpaldy Parlament - Joǵarǵy Keńestі qolyna alýyna jáne bılіgіn nyǵaıtýǵa kómektestі.