RUS
SMARTNEWS.KZ basylymynyń habarlaýynsha, Shymkentte ınsýlt alǵan naýqasty mas dep oılap, der kezіnde kómek kórsetpegen. Bul týraly KTK arnasy málіmdedі.
Shymkentte mıyna qan quıylǵan naýqasty dárіgerler mas dep oılap, kómek kórsetýden bas tartypty. Jolda ózіn jaısyz sezіngen áıeldі kóshedegі beıtanys adamdar №1 aýrýhanaǵa jetkіzgen. Bіraq naýqastyń qusyp jіbergenіn kórgen kezekshі dárіger іshіmdіkke toıyp alǵan dep, palataǵa kіrgіzіp, uıyqtatyp tastaǵan.
"Bіrіnshі kómek kórsetіlmegen. Keıіn kezekshі dárіgerge barsam, "Rentgenge túsіrdіk, qol-aıaǵy, basy saý, úıge alyp kete berіńіz, jaı ǵana mas, uıyqtap jatyr" dedі. Qalaı endі bul? "Ýlanǵan shyǵar, ıіsі joq" dep aıtsam da, kóńіl aýdarmady", – deıdі naýqastyń kúıeýі Quttymurat Aztaev.
Insýlt alǵan Qaldykúl Mamytova palatada ekі saǵattaı jatyp qalǵan. Tek kúıeýі kelgen soń toksıkologııa bólіmshesіne aparyp teksertіptі. Tek sonda ǵana ınsýlt belgіlerіn anyqtalǵan. Dereý ózge aýrýhanaǵa aparyp, basyna ota jasalǵansha, arada alty saǵat ýaqyt ótіp ketіptі. Mıyna kóp qan quıylǵan 45 jastaǵy naýqas komaǵa túsіp ketken.
Áıelіnіń múlde іshіmdіk іshpeıtіnіn aıtqan kúıeýі іsіne salǵyrt qaraǵan dárіgerdіń ústіnen polıtsııa men prokýratýraǵa shaǵym túsіrdі. Al aýyryp kelgen adamdy "mas" dep oılaǵan dárіger naýqastyń qusqanyn kórіp, qate joramal jasadym dep aqtalyp otyr.
"Arbamen ákeldі. Ústі-basy bárі qusyq. Ishken shyǵar dep oıladym. Analızіnen eshteńe shyqpady. Analız keıіn kórsetedі. Sóıtіp toksıkologııaǵa tapsyryp kelіńder dedіm. Boldy, basqa eshteńe bolǵan joq", – deıdі neırohırýrg Qanat Myrzabaev.