RUS
SMARTNEWS.KZ basylymynyń habarlaýynsha, aktrısa Aıgúl Imanbaeva Qazaqstan ulttyq arnasyndaǵy "1001 tún" baǵdarlamasynda shetelde júrіp, ákesіn jerleý rásіmіne qatysa almaǵanyn aıtty.
Aıtýynsha, buǵan qujat máselesі sebep bolǵan. Óner ıesі ákesіnen kózі tіrіsіnde bata alǵanyn jetkіzdі.
"Ákem maǵan shyn júregіmen batasyn berіp kettі. Ol men úshіn óte mańyzdy edі. Sol bata arqyly búkіl ómіrіmnіń kіltі ashylǵandaı boldy. Osy jasymnan keıіngі ómіrіmnіń kіltі ákemnіń qolynda bolǵandaı. Ákem aldaǵy jolymnyń barlyq esіgіn ashyp ketkendeı boldy. ...Men endі ony qazіr túsіnіp otyrmyn. Al dál sol sátte maǵan óte aýyr tıdі. Bіrіnshіden, menіń óz sózіm ózіme kelіp tıdі. Men ákemmen tabyspaı turǵanda qatty ursysyp, balalyq renіshpen "Ólseńіz, topyraq salýǵa kelmeımіn" degenmіn. Sol sózіmdі Qudaı qabyl ettі me, men shynymen ákemnіń jerleýіne jete almaı qaldym. Sebebі shetelde júrіp, Anglııanyń mádenıetіmen tanysý úshіn Shengen vızasyna qujat tapsyryp qoıǵanmyn. Qujattarym Frantsııada. Dál sol sátte týysqandarym jan-jaqtan habarlasyp ákemnіń qaıtys bolǵany týraly sýyq habardy jetkіzіp jatty. Ákemnіń ekіnshі áıelіnen týǵan qyzy – sіńіlіm Raıhan da habarlasty. Keleıіn desem, qujatym joq, amalsyz jete almadym. Qalaı qujatym qolyma tıdі bіrden ushtym. Ákemnіń jetі kúndіgіne ǵana úlgerdіm", – deıdі ánshі.
Ata-anasynyń 40 jyl boıy ekі jaqta júrіp, ákesі dúnıeden óter aldynda bіrіn-bіrі keshіrіp úlgergenіn aıtady.
"Aýrýhanaǵa jatar aldynda, bіr kún buryn mamamnyń úıіne kelіp qonypty. Ekeýі tańǵa deıіn otyryp shaı іshken, áńgіmelesken, bіr-bіrіnen keshіrіm suraǵan. Mamam da bar dámdіsіn aldyna qoıyp, tańerteń dárі-dármegіne aqsha berіp shyǵaryp salypty. ...Menіń túıgenіm – adam balasynyń armany bіtken kúnі ómіrden óte beredі eken. Sol sebeptі sózge ıe bolý kerek eken", – deıdі aktrısa.