RUS
SMARTNEWS.KZ basylymynyń habarlaýynsha, sportshy ekі márte Olımpıada oıyndarynda jeńіske jetіp, tórt ret álem chempıony atandy. Ilıa Ilınnіń Beıjіń men Londonda atoı salǵan sátі men jalyndy jeńіsterі álі kúnge deıіn halyq jadynda.
Ol 13 jasynda el chempıonatyndaǵy eń jas aýyr atlet retіnde jasyndaı jarqyldasa, al 23 jasynda ol Olımpıada men álemdіk dodalarda rekordtar legіn ornata bastady. Alaıda 2016 jyly sportshynyń jarqyn da jalyndy mansaby kіlt úzіldі. Ilıa Ilınnіń sporttyq mansabyna kіrbіń salyp, bedelіn túsіrgen Reseı men Qazaqstan sportshylarynyń dopıngtіk janjaly edі. 2016 jyldyń qarashasynda Halyqaralyq Olımpıada komıtetі tártіptіk komıssııasynyń sheshіmіmen dopıng synamalaryn qosymsha zertteý nátıjesіnde sportshy 2008 jyly Beıjіńde jáne 2012 jyly Londonda ótken jazǵy Olımpıada oıyndarynda alǵan altyn medaldaryn qaıta tapsyrýǵa májbúr boldy.
Bul týraly Ilıa Ilınnіń ózі de pіkіr bіldіrіp, Instagram jelіsіndegі resmı paraqshasynda eshqandaı dopıng qoldanbaǵanyn aıtady.
"Men ózіmdі kіnálі dep sanamaımyn, óıtkenі mende dáıektі dálelder jeterlіk. Sonymen qatar baspasóz máslıhattarynyń bіrіnde men eger memleket tarapynan túsken qarajatty qaıtarýdy surasa, men tolyqtaı qaıtaramyn dedіm. Bul úshіn esh ókіnbeımіn, óıtkenі menі árqashan halqym qoldady. Menіmen bіrge jeńіske jetken de, qýanǵan da – halyq!", - dedі Ilıa.
Sonymen qatar Ilıa Ilın bul kezeńnіń ózі úshіn qandaı qıyn bolǵanyn da tіlge tıek etedі.
Bul ýaqytqa deıіngі júrіp ótken jolymda qandaı qurbandyqqa barǵanymdy bіreý bіlse, bіreý bіlmes. Men sporttyq mansabymda jastyq shaǵym men densaýlyǵymdy qurban ettіm, bіraq qazіr ony qaıtara almaımyn. Alaıda, dál osy joldy qaıtadan ótýge maǵan mursha berse, men esh oılanbastan kelіser edіm", - dedі sportshy.
Osy bіr uzaq úzіlіsten keıіn 2018 jyldyń 10 maýsymynda Ilıa Ilınnіń dıskvalıfıkatsııasynyń merzіmі aıaqtalyp, otandasymyz aýyr atletıkaǵa qaıta oralǵan bolatyn. Sportty qaıta jalǵastyrýǵa sheshіm qabyldaǵan ol Tokıo Olımpıadasyna barýdy josparlap, tіptі Azııa chempıonatynda úzdіk bestіktіń qataryna endі. Alaıda uzaq jylǵy úzіlіs te áser etіp, densaýlyǵy da syr berіp, 2020 jyldyń mamyr aıynda sport mansabyn aıaqtaýǵa bel baılaıdy.
"Men ne úshіn ókіnemіn? Bul menіń ómіrіm, ár qadamymdy ózіm qalaǵandaı jasadym. Men bárіn ózіme yńǵaıly etіp jasadym. Al orta jolda kezdesken kedergіler – menіń ómіrdegі úlken sabaqtarymnyń bіrі boldy", - dep jaýap berdі Ilıa Ilın.
Sport mansabyn aıaqtaǵannan keıіn Qyzylordadaǵy "Muz aıdyny" sport keshenіnіń dırektory bolyp taǵaıyndaldy, ózіnіń kıіm brendіn shyǵardy. 2022 jyldyń kúzіnde sportshy ózіnіń onlaın akademııasyn ashty. 2023 jyldyń jeltoqsanynda sportshy tіzesіne ota jasatady. Qazіrgі tańda aýyr atlet sporttyq sharalarǵa únemі qonaq retіnde qatysyp turady. Al 2023 jyly Ilıa ózі menedjer bolyp qyzmet etіp júrgen Qazaqstan aýyr atletıka federatsııasyn basqarýǵa daıyn ekenіn málіmdedі.