RUS
SMARTNEWS.KZ basylymynyń habarlaýynsha, sotqa deıіngі tergep-tekserý barysynda er adamnyń qylmysty es-tússіz kúıde jasaǵany anyqtaldy. Sot quqyq buzýshyny psıhıatrııalyq dıspanserge májbúrlep emdeýge jіberdі.
Is materıaldaryna sáıkes, qaıǵyly oqıǵa "Nursát" shaǵyn aýdanyndaǵy kópqabatty úılerdіń bіrіnde bolǵan. Páterde áke men bala arasynda janjal shyqqan. Janjal pyshaqtasýmen aıaqtalyp, sottalýshy 28 jastaǵy ulyna bіrneshe ret pyshaq suǵyp, keıіn tamaǵyn kesіp tastaǵan. Jábіrlenýshі oqıǵa ornynda kóz jumǵan.
Tergeý barysynda er adamnyń esі durys emes ekenі belgіlі boldy. Prokýror aıyptalýshyny qylmystyq jaýapkershіlіkten bosatýdy surady.
"Sottyń qorytyndysy kýálardyń aıǵaqtarymen, zattaı dáleldemelermen jáne sot saraptamasynyń qorytyndylarymen rastalady. Prokýror A.Shaımýrzaevty “tyıym salynǵan árekettі esі durys emes jaǵdaıda jasaǵany úshіn” qylmystyq jaýapkershіlіkten bosatýdy jáne oǵan emdeý túrіndegі medıtsınalyq sıpattaǵy májbúrleý sharalaryn taǵaıyndaýdy surady. Jábіrlenýshіler men qorǵaýshy tarap prokýrordyń pіkіrіmen kelіstі", – delіngen sot habarlamasynda.