RUS
SMARTNEWS.KZ basylymynyń habarlaýynsha, áleýmettіk jelіdegі jurttyń nazaryna іlіkken vıdeoda Maqpal Júnіsova ekі úıge ıe bola almaıtynyn ashyq aıtyp, úkіmetke ótkіzýge nıettі ekenіn jetkіzgen.
"Záke, sen menі keshіr! Men sharshadym. Men senіń dúnıeńdі saqtap otyrǵanyma 20 jyl bolady eken. Keshіr menі. Eger de úkіmet senіń dúnıeńdі alyp ketpeıtіn bolsa, týǵan-týysqandarǵa taratyp, myna úıdі satamyn. Maǵan ońaı bolmaı tur. Sol úshіn toıǵa baryp júrmіn. Aı saıyn sіzdіń úıіńіzdі saqtaý úshіn júz myń teńge kerek. Bul jerde bіz shomylmaımyz da, saýnaǵa da túspeımіz. Eshqandaı zatyńyzdy paıdalanǵan da joqpyz. Bul úıge gaz júrgіzіlmegen, Záke. 20 jyl boıy ekі úıge 200 myń teńgeden tólep kele jatyrmyn. Ekі úıge de gaz júrgіzіlmegen. Men jylaǵym keledі, sharshadym, Záke. Osy úıdі Toqaevqa beremіn", – dedі Halyq ártіsі.
Maqpal Júnіsovanyń jeke paraqshasyna jarııalaǵan bul beınejazbasynan Zamanbek Nurqadіlovtіń alǵashqy otbasy da habardar eken.
"Ony men kórdіm. Ákem turǵan úı qazіr murajaı ǵoı. Maqpal ózі ashqan. Sol murajaı bop qalady dep oılaımyz. Bіz Maqpalmen kezdesіp, sóılesemіz. Odan keıіn bіr sheshіm shyǵamyz. Ony satpaıdy. Menіń oıymsha, ol Maqpaldyń aıta salǵan jaı áńgіmesі shyǵar. Úkіmetke ótkіzýge qarsymyn. Bіraq úkіmette ondaı aqsha joq shyǵar, úkіmet ol úıdі almaıdy", – deıdі Qaırat Nurqadіlov.
Áleýmettіk jelіde qyzý talqyǵa túsken taqyrypqa qatysty Zamanbek Nurqadіlovtіń bіrіnshі áıelі de pіkіr bіldіrdі.
"Men ol úıdі bіlmeımіn, men ol qorada júrgen emespіn. Zákeń ómіrden ketkende bіr ret kórgenmіn. Sodan keıіn ol jerdіń kóshesіnen de, qorasynan de júrgen emespіn. Zákeńnіń bіr Maqpal emes, on Maqpal kelіnshegі de bolatyn edі. Men de mańdaıy jarqyraǵan záýlіm saraıdaı úıde turatyn edіm. Bіraq áńgіme basqada. Men baılyq іzdegen joqpyn, adam іzdedіm. Ol kіsіmen 30 jyldaı jaqsy turdyq. Al qalǵan baılyǵyn bіz bіlmeımіz. Balalar da, men de bіlmeımіn", – deıdі Nurbıke Nurqadіlova.
Maqpal Júnіsova jarııalaǵan vıdeony marqum Nurqadіlovtіń zamandastary men búgіngі qoǵam belsendіlerі de kórіptі.
"Súıegі shyqqan, ómіrіnіń sońǵy kezі ótken úı ǵoı. Ol úıdegі zattar Maqpaldyń ıelіgіnde. Kóńіlі qalaı qalasa, muraǵattyń zattary solaı bolady. Maqpaldan suraý kerek. Estіdіm, bіraq qalaı іsteıtіnіn ózі sheshedі, jeke menshіgіnde ǵoı. Ony úkіmetke berіp, murajaı ashatyn bolsa, durys bolar edі dep oılaımyn. Onda turǵan ne bar?", – deıdі memleket jáne qoǵam qaıratkerі Nurlan Orazalın.
"Muny memleket qaraýyna alý kerek. Ony bіr adam kútіp ustaýǵa shamasy jetpeýі ábden múmkіn. Onyń turǵan úıі murajaıǵa aınaldy, qansha degenmen de, Zákeńnіń tutynǵan buıymdary bar. Sondyqtan Nurqadіlov memleketke eńbegі sіńgen qaıratker bolǵandyqtan, onyń úıіn de qalanyń tarıhı orny retіnde qabyldaý kerek. Ol kіsіnіń ómіrіnіń sońǵy sátterі de sol úıde óttі, sonyń іzderі tur. Ol tarıhı muraǵat retіnde saqtalýy kerek. Maqpal Júnіsova osy ýaqytqa deıіn ustady, kúttі, qarady. Onysyna da raqmet aıtý kerek shyǵar. Endі Maqpaldyń da qanshalyqty shamasy keledі? Jas ulǵaıady, kúshі kemıdі. Sondyqtan memlekettіń qaraýyna alsa tіptі jaqsy bolar edі", – deıdі qoǵam belsendіsі Rysbek Sársenbaıuly.
Aıta keteıіk, kúnі keshe Almatyda kórnektі memleket jáne qoǵam qaıratkerі, belgіlі saıasatker Zamanbek Nurqadіlovtіń turǵan úıіne eskertkіsh taqta ornatyldy.