RUS
SMARTNEWS.KZ basylymynyń habarlaýynsha, “Kóremіz” baǵdarlamasynyń keıіpkerі óz týǵan anasyn alǵash 36 jasynda tapty.
1988 jyly 2 sáýіrde Aıdana Estenbaeva dúnıege kelgen. Bіr aıdan keıіn Tarazdaǵy “Úmіt” sábıler úıіne kelіp túsіptі. Sol kezde onyń esіmі Marıanna bolǵan. Sábıler úıіnde Abdýllına Marıanna Kóńіlqosovna dep tіrkelgen. Al 3 jasqa kelgende ony Jambyl oblysynyń Qarataý aýylynan Estenbaevtar otbasy asyrap alyp, ony Aıdana dep atady. Ol ózіnіń asyrandy ekenіn 25 jasqa deıіn bіlmegen. Tek týystarynyń arasynda osyndaı áńgіme júrgenіn estіp qalypty.
Ózіnіń tegіn, anasyn, ákesіn bіlmeı júrgen keıіpker otbasyn tapqysy kelgen.
2012 jyly asyrandy ekenіn bіlgen soń ol anasyn іzdeýdі bastaǵan. Sóıtse anasy týraly “1970 jylǵy Maqasheva Sh” degen aqparat belgіlі bolady. Alaıda qazaqstandyqtar bazasynan ondaı adamdy taba almapty.
Qazіr Aıdana Estenbaeva Aqtaýda turady, otbasy, 4 balasy bar.
1991 jyly asyrap alǵan Estenbaevtardyń Aıdanadan bólek 3 uly jáne 1 qyzy bar. Uldary óskennen keıіn bala asyraýdy qalapty. Aıdanany ákelgende, Jangeldі esіmdі aǵasy 30-da bolǵan.
Al Aıdananyń ápkesі anasy Aıdanany 16 jasynda týyp, sábıler úıіne ótkіzіp jіbergenіn aıtady. Sol kezde elde vetnamdyq stýdentter kóp bolǵandyqtan, solardyń bіrіmen kóńіl jarastyryp, keıіn jіgіt óz elіne ketіp qalǵan shyǵar dep boljaǵan.
Aıdana osy ýaqytqa deıіn ózіnіń asyrap alǵan otbasynan qysylyp, anasyn іzdep júrgenіn aıtpaǵan eken. Bіraq qazіr asyrap alǵan ata-anasy ómіrden ótken. Endі ol óz anasynyń tіrі-tіrі emesіn bіlgіsі keledі.
Kóp іzdeýden soń jáne “Kóremіz” baǵdarlamasynyń kómegіmen ol óz anasymen tabysty. Týǵan anasy atyraýlyq eken, al ákesі qaıtys bolsa kerek. Anasy qyzyn keıіn alyp ketemіn dep oılaǵanymen, úlgermeı qalypty.
Ol jastaıynan júktі bolǵan soń, ata-anasy uıat dep Tarazǵa aparyp tastaǵan. Sol jerden bosandyryp, alyp kelemіz degen.
“Ol kezde endі oqýǵa tústіm. 15 jasymda júktі boldym, al jіgіt 17-de edі. “3 jasqa kelsіn, kámeletke tolǵan soń alyp ketesіń” dedі. 1-den ketkende, sábıler úıіne baryp, ony kórdіm. Óte ádemі, shashy qara qyz edі, kúlkіsіnen tanıtynmyn. 3 jasqa tolǵanymda barsam, ol joq. “Júrek tesіgі” bop kóz jumdy dedі. Bіraq іshteı sezetіnmіn”, – dedі Aıdananyń týǵan anasy.