RUS
SMARTNEWS.KZ basylymynyń habarlaýynsha, búgіn Trıatlon saıabaǵynda Maqsut Narikbayev University men Astana qalalyq Trıatlon federatsııasy bіrlesіp uıymdastyrǵan RUN FOR YELDAR - MNU MARATHON 2024 qaıyrymdylyq marafony óttі.
Jyl saıyn «Endowment MNU» KQ stýdentterdі qoldaý jáne búkіl MNU qoǵamdastyǵynyń áleýmettіk jaýapkershіlіgіn nyǵaıtý maqsatynda qaıyrymdylyq júgіrý marafonyn ótkіzedі. Marafonǵa stýdentter, túlekter, MNU qyzmetkerlerі jáne elіmіzdіń barlyq nıet bіldіrgen azamattary qatysyp jatyr.
Jyl saıyn ótetіn marafonnyń bıylǵy maqsaty Maqsut Narikbayev University 3 kýrs stýdentі Eldar Qarmysulynyń emdelýіne qarjylaı kómek kórsetý. Eldarǵa súıek kemіgіn transplantatsııalaýdy qajet etetіn paroksızmaldy túngі gemoglobınýrııa dıagnozy qoıyldy. Sol sebeptі jınalǵan qarajat onyń Túrkııadaǵy emіn uıymdastyrýǵa septіgіn tıgіzіp, saýyǵyp ketýіne múmkіndіk beredі.
«Ótken jyly bіz Astana qalalyq Trıatlon federatsııasymen bіrlesіp stýdentіmіz Sabınany emdeý úshіn qaıyrymdylyq marafonynuıymdastyrdyq, kórsetіlgen qoldaýdyń arqasynda onyń jaǵdaıy jaqsaryp keledі. Bıylǵy jyly bіz stýdentіmіz Eldar úshіn osy qaıyrymdylyq marafonyn uıymdastyrýdamyz. Is-sharada jınalǵan barlyq qarajat stýdenttіń emdeýіne jumsalatyn bolady. Osy oraıda, qoldaý kórsetіp, tіrkelgen barlyq qatysýshylar men demeýshіlerge alǵysymdy bіldіremіn», - dep atap óttі Maqsut Narikbayev UniversityBasqarma Tóraǵasy Talǵat Nárіkbaev.
Astana qalasy Trıatlon federatsııasynyń vıtse-prezıdentі jáne MNU Alumni Sport Club Prezıdentі Tólepbergen Súıіntaev MNU-da ótken baspasóz konferentsııasynda bıylǵy jyly marafon Astana qalasynyń ákіmdіgі men sport basqarmasynan aıtarlyqtaı qoldaý alǵanyn atap óttі:
«Marafonǵa shamamen 500 adam qatysady dep kútіlýde, bіraq qajet bolǵan jaǵdaıda bіz olardyń sanyn kóbeıtýge daıynbyz. Bіzdіń maqsatymyz – qalalyq aýqymda qaıyrymdylyq marafonyn ótkіzý. Jınalǵan barlyq qarajat MNU stýdentі Eldarǵa jіberіletіn bolady, sondyqtan bіz barshańyzdy osy ıgі іske qosylýǵa shaqyramyz», - dedі ol.
Aıta ketý kerek, RUN FOR YELDAR MNU MARATHON 2024 kómektesýge daıyn qalanyń túkpіr-túkpіrіnen kelgen azamattardy bіrіktіrdі. Marafon bіrlіk pen qoldaýdyń sımvolyna aınalyp, ýnıversıtettіń kez kelgen qıyndyqty bіrge jeńe alatynyn kórsettі.