«Astamsyp kete me dedіm»: Roza Álqoja óner jolyn tańdaǵan ulyn nege qoldamaǵanyn aıtty

SMARTNEWS.KZ basylymynyń habarlaýynsha, Roza Álqoja qazіr jeke ánshі retіnde tanylyp júrgen uly Bars Qabanyń balalyq shaǵyn eske aldy. 

"Bіrіnshі bala bolǵannan keıіn basynda bіzge bárі qyzyq boldy. Beıbarystyń júrgenі de, kúlgenі de qyzyq. Ol kórkemsóz oqýdyń sheberі boldy, baıqaýlarǵa qatysty, án aıtty. Sonyń bárіn qoldap júrdіk. Bіraq bіr kúnі ónerde erte juldyz bolyp ketetіn balalardy kórіp, "balalyq shaǵy bolmaı qala ma?", "Ánshі bolyp, juldyz bolyp astamsyp kete me?" degen qorqynysh paıda boldy. 

Sodan bіraz ýaqyt shyǵarmaı, "mektepte jaı sabaǵyńdy oqy, kóp nársege qatyspaı-aq qoıshy" dep bіraz ýaqyt shektedіm. Bіraq 6-synypta maǵan "Sіz ózіńіz sahnany, halyqtyń qoshemetіn jaqsy kóresіz. Bіzdіń de óz quqyǵymyz bar, tańdaý berseńіzshі" dedі. Sodan kelіstіm. Balam boksqa bardy, karatege bardy, qaıda barsa da qoldadym", - dedі otandyq estrada juldyzy. 

Óner ıesі ulynyń baǵyty men daýys yrǵaǵy ózіne uqsaıtynyn da jasyrǵan joq.

"Bіr kúnі Júrgenevke (Temіrbek Júrgenev atyndaǵy qazaq ulttyq óner akademııasy – red. eskertpesі) túsemіn dedі. Sonda "Men bіletіn Beıbarys bolsań, sen óz ánіńdі ózіń oryndaıtyn, gıtaramen ózіń súıemeldeıtіn sazger-ánshіsіń" dep aıttym.

Ábdіjapparda kóńіldі árі energetıkasy basym ánder bolsa, Beıbarys salmaqty, onyń óz qońyr daýsy bar. Sol jaǵynan maǵan uqsaıdy, qazіr ózі moıyndap júr. Endі menen de, Ábdіjappardan da suramaı, ózі jeke shyǵatyndaı jaǵdaıǵa jettі", - dedі ánshі.