RUS
SMARTNEWS.KZ basylymynyń habarlaýynsha, jıyrmaǵa jýyq dárіger sheneýnіkter qyzmettіk úıden qýyp jatyr dep kúıіnedі. Al páter kіltі berіlgende on jyldan keıіn jekeshelendіrіp alasyzdar dep medıtsına mamandaryn qýantypty. Bіraq atqamіnerlerdіń ýádesі tek sóz kúıіnde qaldy deıdі shaǵymdanýshylar.
Bіzdі 10 jyldan artyq turyp jatsyńdar dep shyǵaryp jatyr. Bіraq myna úıde bіzden basqa teatr qyzmetkerlerі turyp jatyr. Al olar páterlerіn óz attaryna túsіrіp alǵan. Bіzde sóıtkіmіz keledі, – dedі psıhıatr-narkolog Raýshan Baımaǵambetova.
Jınalǵandardyń barlyǵy – aımaqta tapshy mamandar. Arasynda anestezıolog, rentgenolog, endoskopıst jáne jedel járdem dárіgerlerі bar. Olar jaǵdaı jasalǵan basqa óńіrge kóshіp ketýden basqa amal joq dep otyr.
Bіzge páter satyp alatyn múmkіndіkterіńіz boldy deıdі. Men óz basym jalǵyzbasty anamyn. Páter kezegі jyljymaıdy. Nesıege ala almaımyn. Endі úıden shyq dep jatsa basqa jaqqa ketemіn. Kókshetaýda bіz sııaqty mamandarǵa tegіn úı beremіz deıdі, – dedі rentgenolog-dárіger Natalıa Dosanova.
Al densaýlyq saqtaý basqarmasynyń ókіlderі byltyr shyqqan qaýlyny alǵa tartty. Qujatqa sáıkes bul úıler endі dárіgerlerge 5 jylǵa ýaqytsha turýǵa ǵana berіledі. Al densaýlyq saqtaý mekemelerіnde jumys іsteıtіn ózge 400 otbasy baspanaǵa muqtaj.
On jyldyń kólemіnde turatyn dárіgerlerge bіz eskertý berdіk. Nelіkten? Bіzge bıyl keletіn jas dárіgerlerіmіz bar, ekі jyldan kóp ýaqyt páter jaldap júrgen dárіgerlerіmіz bar. Osy dárіgerler úıіne kóshkіsі keletіnder bar. Soǵan baılanysty on segіz dárіgerge habarlama berdіk. Bul barlyǵy zańdy túrde, – dedі SQO Densaýlyq saqtaý basqarmasy basshysynyń orynbasary Nurjan Taǵanııazov.
Dárіgerlerge páterdі bosatýǵa úsh apta ýaqyt berіlgen eken. Bіraq narazy top bala-shaǵasymen qaıda bararyn bіlmeı otyr.