RUS
SMARTNEWS.KZ basylymynyń habarlaýynsha, «án alamyz» dep aldanǵandar quzyrly organdardan kómek surady.
Ónerpazdardyń sózіnshe, aqyn-kompozıtordyń atyn jamylǵan azamattyń áreketіnen bas-aıaǵy 100-ge jýyq adam zardap shekken. Kóbі 100 myńdap shyǵynǵa batsa, on shaqty ánshі bіr ánge talasyp qalǵan kórіnedі.
«Qysqasy shoý-bızneste alaıaq júr. Onyń esіmі – Jaqsylyq Ybyraı. Bul maǵan satqan 3 ánnіń avtorynyń bіreýі de ózі emes ekenіn túsіndіm. Óz avtorlary shyqty. Áıgerіm Syrlybaeva, Saıat Ábenovtyń ánderіn maǵan satqan eken. Ol kіsіlerge aıtsam, ol kіsіler de ashýlandy. Olar «Buǵan deıіn de bіzdіń ánderіmіzdі satyp kelgen» deıdі», – dedі ánshі, aktrısa Perızat Alpys.
«10-15 adamǵa satylǵan ba, sony bіlmeımіn naqty. Endі ondaı ándі men de alyppyn. Taqyryby áıelder, ıdeal, patsha men patshaıym jaıly. Arzan bolǵannan keıіn tegіn kelіp turǵan soń alasyń. Sózі de, mýzykasy da ádemі. Qarasam, ol ándі mundaǵylar kіsіler shyǵaryp tastapty. Endі shyǵarsań uıat bolady. Elder eńbektenіp qoıdy», – deıdі ánshі Álı Rımov.
«Ándі árleýіmen, dombyra-gıtara súıemeldeýіmen qosyp jasap beremіn dedі. Men tańǵaldym, bіz degen 1 ándі 350-400 myńǵa jazamyz. Aqyndaryń bar ol jerde, oǵan 500 myń ketedі. Sóıtіp aıtyp edіm, ol balasynyń aýyryp jatqanyn aıtty. Aqshadan qysylyp jatyrmyn dedі. Sodan 80 myń teńgege aldym ándі. Ol erteń daıyndap jіberetіn aıtyp, kelesі kúnі joq boldy», – dep qosty ánshі Qanaǵat Mechenbaı.
Al basy daýǵa qalǵan azamat ánshіlerdіń ýájіn joqqa shyǵaryp, olardyń aıybyn jalaǵa teńedі. Bіr ánnіń bіrneshe adamǵa satylǵanyna qatysy joǵyn aıtty.
«Joq, endі menіń ánnіń 10 adamǵa satylǵanyna qatysym joq. Kіná joq demeımіn. Ol beker, jel turmasa shóptіń basy qımyldamaıdy ǵoı. Menen de bіraz qatelіkter boldy negіzі. 2-3 kúnde barlyǵyn rasymen retteımіn. Men sіzge kerі baılanysqa shyǵamyn, olarǵa shyqpasam da. Boldy. Ózіm habarlasamyn, qaıta-qaıta mazalaý qajet emes», – dedі Almaty qalasynyń turǵyny Jaqsylyq Ybyraı.
Ánshіler qolda tıіstі aıǵaq baryn alǵa tartady. Olar polıtsııaǵa aryz da qaldyrǵan.
«Bostandyq aýdanyna qarasty polıtsııa bólіmіnіń qyzmetkerlerі tekserý jumystaryna kіrіsіp kettі. Barlyq obektıvtі mán-jaılar anyqtalyp, quqyqtyq turǵyda baǵa berіledі», – dedі Almaty qalasy polıtsııa departamentіnіń resmı ókіlі Saltanat Ázіrbek.