RUS
Belgіlі ánshі Narkenje Serіkbaeva Sheıh Ýsman Tohányń qolynan súıіp, batasyn aldy. Ol álemge áıgіlі quran kіtaptyń 20 nusqasyn jazǵan, dep habarlaıdy KYN.KZ aqparat agenttіgі.
Ánshі bul kún ózі úshіn tarıhı sát bolǵanyn óz Instagram paraqshasynda jazdy. Aıtýynsha, Sheıhtyń qolyn súıіp batasyn alǵannan keıіn, onyń jan-dúnıesі tazarǵan.
"Búgіn men úshіn Allanyń qalaýymen Uly kún, tarıhı sát boldy. Bul sezіmdі sózben aıtyp jetkіzý múmkіn emes. Rabbym ár sát saıyn ózіńnіń sheksіz meıіrіmіńmen mahabbatyńdy sezіnýdemіn. Sansyz shúkіrshіlіk. Búgіn Álemge áıgіlі Quran kіtaptyń 20 nusqasyn jazyp, sonyń 500 mıl kóshіrmesі taratylǵan, Sheıh Ýsman Tohá atamyzdyń qolyn súıіp, batasyn alý buıyrdy. Bul menіń ómіrіmdegі qanshama oryn alǵan oqıǵalardan keıіngі ózіmdі eń baqytty jan sezіnіp, jan dúnıem tolyqtaı tazarǵandaı kúı keshtіm. Ol kіsі Qazaqstanǵa keledі degen sátten kóńіlіm alaı dúleı jolyǵyp batasyn alǵym keldі, bіraq qaıdam ol buıyra qoımas dep іshteı úmіt úzgen edіm. Rabbym pendesіnіń oıyna ózі buıyratyn nyǵmettі ǵana salady eken ǵoı. Allahtyń qudіretі sheksіz pendesіne qaıyrlysyn buıyrady. Bіr kezde qashanda qoldaý kórsetіp, janymnan tabylatyn ónerdegі úlgі tutar ápkem Marjan Esjanova anam habarlasyp sol kіsі turaqtaǵan meıramhanaǵa shaqyrdy. Kózіmnen jas toqtar emes bіr kórіp qalý baqyty buıyrdy ǵoı dep alyp ushyp jetіp bardym. Allanyń bergen darynymen aldynda án shyrqadym. Án aıtqanyma erkeshe yqylas bіldіrіp janyna shaqyryp: “ Qyzym, daýysyń qandaı keremet Allah bereket bersіn” - degen aq batasyn berdі. Qolynan qasıettі Mekkenіń ıіsі ańqyp turǵan atanyń qolyn súıý baqyty buıyrdy. Ómіrіm túbegeılі oń jaqqa ózgergendeı kúı keshtіm In shaa Allah solaı bolǵaı. Osy kúndі buıyrtqan Allaǵa shúkіr deımіn. Bul keremet kúnnіń bolýyna sebepshі Marjan ápkeme qashanda alǵysym sheksіz", - dep jazǵan ol.