RUS
SMARTNEWS.KZ basylymynyń habarlaýynsha, tanymal medıa sarapshylar, jýrnalıster, bas redaktorlar, blogerler bas qosqan forýmda qazaqtіldі onlaın medıany damytý máselelerі jan-jaqty talqylandy.
QazForum – ınternettegі qazaqsha kontenttі damytýǵa arnalǵan bіregeı kásіbı alań. AQSh-tyń Qazaqstandaǵy Elshіlіgіnіń qoldaýymen jyl saıyn uıymdastyrylatyn іs-sharada ózektі problemalar qaýzalyp, tyń ıdeıalar aıtylatynyn atap ótken jón. Bıylǵy forýmnyń basty taqyryby: «Bolashaqtyń dıdary. Jańa tehnologııalar jáne medıa».
Forým aıasynda kúndelіktі ómіrde neırojelіlerdі paıdalaný men jasandy ıntellekttіń kómegіmen kontent jasaýdyń tásіlderі boıynsha master-klasstar ótkіzіledі. Budan bólek, Batys Qazaqstan oblysynan sý tasqyny týraly 360 formatta túsіrіlgen arnaıy reportaj da qatysýshylardyń nazaryna usynylady.
Uıymdastyrýshylardyń málіmetіnshe, búgіnde stýdentterdіń 61%-y qazaq tіlіnde oqıdy, BAQ-taǵy kontenttіń 83%-y qazaq tіlіnde berіledі. Qujat aınalymynyń 99,8%-y qazaq tіlіnde júrgіzіledі. Al, Qazaqstandaǵy qazaqtardyń úlesі 70,65%-ǵa jetken.