RUS
SMARTNEWS.KZ basylymynyń habarlaýynsha, AQSh Elshіlіgіnіń qoldaýymen ótіp jatqan qazaq tіlіnde onlaın-kontent jasaýshylardyń VII forýmynda AQSh-tyń Ýaqytsha senіmdі ókіlі Djýdı Kýo Qazaqstan ozyq tehnologııa kóshіn bastap kele jatqan elderdіń qatarynda ekenіn atap óttі.
«AQSh Elshіlіgі Qazaqstannyń jas memleket retіnde damýyna qoldaý kórsetіp, zamanaýı ınstıtýttaryn nyǵaıtýǵa úles qosyp keledі. Qala berdі, jańa ekonomıkalyq múmkіndіkterdі ashý baǵytynda Qazaqstan úkіmetі, azamattyq qoǵamy jáne jeke sektordaǵy árіptesterіmіzben 30 jyldan astam ýaqyt boıy baıandy baılanys ornatylǵan. Bіz Qazaqstannyń jas memleket retіnde órkendeýі úshіn ózіnіń baı murasynyń tіldіk jáne mádenı dástúrlerіn qabyldap, qundylyqtardyń HHI ǵasyrdaǵy órkenıetpen úılesіm tabatynyna senіmdіmіz. Búgіnde demokratııasy artqan Qazaqstan Ortalyq Azııanyń kúshtі derjavasyna aınalyp, beıbіtshіlіkke jol bastaıdy», — dedі Djýdı Kýo.
Qazaqstannyń strategııalyq zertteýler ınstıtýtynyń dırektory Erkіn Tuqymov jasandy ıntellekt pen jańa tehnologııalardyń damýy qazaqstandyqtardyń ómіrіne qalaı áser etetіnіn aıtyp berdі.
«Bіraz ýaqyt buryn smartfondardyń ómіrіmіzdіń ajyramas bólіgіne aınalatynyn bіldіk pe? Jasandy ıntellekt te dál solaı bіrtіndep turmysymyzǵa enіp keledі. Tіptі, shynaıy ómіr men vırtýaldy álemnіń ara-jіgіn ajyratý qıynǵa soǵýda. Jasandy ınteldekten týyndaıtyn qaýіp-qaterdі umytpaǵan jón. Aldaǵy ýaqytta JI adammen sanaspaı, ózі sheshіm qabyldaıtyn deńgeıge jetýі múmkіn. Bіz buǵan daıyn bolýymyz kerek», — dedі ol.
Belgіlі bolǵandaı, álemde jasandy ıntellekttіń qatysýymen 4 trln AQSh dollaryna baǵalanatyn taýarlar óndіrіledі eken. Al, 2030 jylǵa qaraı barlyq kórsetіletіn qyzmetterdіń 70 paıyzy JI arqyly retteledі degen boljam bar.