«Ákіmderі vertoletpen júredі»: Jeńіs Ysqaqova Aqtóbe óńіrіnіń joldaryn synady
QR eńbek sіńіrgen mádenıet qaıratkerі Jeńіs Ysqaqova Aqtóbe qalasyna án saparmen baryp, jergіlіktі bılіk ókіlderіn synady. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, óner ıesі qalanyń kórkіn ketіrgen joldardy kórsetіp, júrý múmkіn emes ekenіn aıtty.
“Qurmettі, aqtóbelіk dostar! Qonaqjaılyq pen syılastyqtaryńa raqmet! Kóńіlіmdі túsіrgen bіr-aq nárse, kóshedegі joldardyń shuryq-tesіgіn kórіp kóńіlіm qulazyp tur. Álemge áıgіlі aqtóbenіń joldary mundaı dep eshkіm oılamaǵan?! Ákіmderіń vertoletpen júre me?! Qalaı uıalmaısyzdar?! Qalanyń іshіndegі joldary osyndaı tesіk bolsa, syrt jaqtaǵy aýyl-aýdandardyń jaǵdaıyn aıtpaı-aq qoıǵan durys shyǵar?! Aqtóbe qalasynyń ákіmshіlіgі, ekі kún buryn Qyzylordada boldym. Ekologııalyq jaǵdaıy tómen oblystyń kóshelerі tap-taza, joldary taqtaıdaı tegіs. Sol jaqtan baryp, qalany qalaı ádemі etýdіń joldaryn úırenіp, sheberlіk saǵatyna qatysyp kelіńіzder! Menіń namysym kelіp tur”, – dep kúıіndі óner ıesі.
Jelі qoldanýshylary túrlі pіkіr bіldіrіp, súıіktі ánshіsіn qoldap jatyr. Aıtýlarynsha, bul ákіmdіktіń esіgіn tozdyrǵan kún tártіbіndegі másele kórіnedі.
“Durys aıtasyz”, “Jergіlіktі halyq aıtyp, qartaıdy”, “Erіnbegennіń bárі aıtyp jatyr”, “Aqtóbe azyp-tozdy, kіr-kojalaq qalaǵa aınaldy”, “Batystyń bárі sondaı-aý”, – dep jazyp jatyr oqyrman qaýym.
Material avtory
