Jambyl oblysynyń shendіlerі 700 mln teńgenі negіzsіz jumsamaq bolǵan
Jambyl oblysynyń prokýratýrasy 700 mln teńgeden astam bıýdjet qarajatynyń negіzsіz jumsalýynyń aldyn aldy.
SMARTNEWS.KZ basylymynyń habarlaýynsha, aımaqtaǵy Qordaı aýdanynyń prokýratýrasy bıýdjet zańnamasy salasyna júrgіzgen taldaý nátıjesі boıynsha aýdan ákіmdіgі qyzmetіnde buzýshylyqtardy anyqtady.
«Jergіlіktі atqarýshy organ rastaıtyn qajettі qujattarsyz jáne negіzdemesіz bıýdjettіń shyǵys bólіgіne 700 mln teńgeden astam qarajatty engіzgen. Mysaly, ákіmdіk shyǵys baǵanasyna sý qubyry lıýkterіn ornatýǵa 67 mln teńge qarajat qarastyrǵan. Alaıda, shyǵystyń osy baǵytynyń ekonomıkalyq negіzdemesі aıqyndalmaǵan», — delіngen prokýratýra málіmetіnde.
Nátıjesіnde prokýrorlyq qadaǵalaý aktіsіmen 700 mln teńgeden astam bıýdjet qarajatynyń jumsalýy aldyn alyndy.
Zań buzýshylyqtarǵa jol bergenі úshіn 6 laýazymdy tulǵa tártіptіk jaýapkershіlіkke tartyldy.
Material avtory
