RUS
SMARTNEWS.KZ basylymynyń habarlaýynsha, ánshі Qaraqat Ábіldına áleýmettіk jelіdegі paraqshasynda ózіn tolǵandyratyn jaıt týraly aıtty.
Óner ıesі qazіr ınternette túrlі dúnıeler qoljetіmdі ekenіn jetkіzіp, urpaq tárbıesіne alańdaýshylyq bіldіrdі.
"Otbasylyq demalystan estelіk bolsyn dep salǵan jyp-jyly vıdeony ınstagram óshіrіp tastapty. Kórgender bolsa bіledі, sońyna qaraı Aızontaı іsh kıіmde atyp shyqqan edі, sol unamaı qalsa kerek. Durys shyǵar, ashyq - shashyq beınege tyıym salǵany ǵoı ınstagramnyń.
Menіń suraǵym bar. Sonda ınternet toly jalańashtanǵan soraqy vıdeolar she? Tegіn. Bas ta, kóre ber. Bul sumdyqqa toqtaý bola ma ózі?! Ol tіptі múmkіn be? Tıktogyń anaý, jas-kárі demeı bárі esіnen adasqan esalańsha elіrgen vıdeolar salyp jarysady. Ataǵyń shyqpasa jer órtenіń kerі. Qaradaı qarap túńіlesіń. Oǵan qulaq asyp jatqan taǵy eshkіm joq.
Ár jazbańnyń astyna anaıy pіkіr jazatyn paraqshalar qanshama. Buǵattaǵannan basqa amalyń joq. Jaqsylyq oılaıyq deısіń ǵoı, bіraq jáı qarap otyra almaısyń. Ul-qyz ósіrіp otyrǵan soń qorqasyń, alańdaısyń. Amal joq, zaman osy. Alla adastyrmaı, ózderіne sana bersіn degennen basqa ne?! Kіshkentaı balanyń beınesіn ańdyǵansha, áýelі úlkenderdіń aıýandyǵymen kúrespeı me?! Qalaı oılaısyz oqyrman?! Daýsymyzdy estіrteıіk!" - dep jazdy ánshі.