RUS
SMARTNEWS.KZ basylymynyń habarlaýynsha, Aqtóbe oblystyq qylmystyq іster jónіndegі mamandandyrylǵan aýdanaralyq sotynda burynǵy áıelіn óltіrdі dep aıyptalǵan er adamǵa úkіm oqyldy.
Sottalýshy Qylmystyq kodekstіń 99-baby 1-bólіgіmen “Adam óltirý, ıaǵnı basqa adamdy quqyqqa qarsy qasaqana qazaǵa ushyratý” babymen kіnálі dep tanyldy.
“Nurjan Haırýllaev Qylmystyq kodekstіń 99-baby 1-bólіgіmen kіnálі dep tanylyp, oǵan 11 jylǵa bas bostandyǵynan aıyrý jaǵasy taǵaıyndalsyn”, – dedі sýdıa Altynbek Sabyrov.
Sottalýshy 1997 jyly Qyzylorda oblysynda dúnıege kelgen. Ajyrasqan, buryn sottalmaǵan. Marqum bolǵan burynǵy áıelіmen aralarynda 3 bala bar. Balalarynyń úlkenі bıyl 1-synypqa barady. Kіshіsі anasynyń ólіmіnen keıіn 3 jasqa toldy. Ajyrasqandaryna ekі jyldan asqan.
Sýdıa marqumnyń artynda qalǵan úsh balasynyń jaǵdaıyn eskerіp, jábіrlenýshі taraptyń paıdasyna 20 mıllıon teńge moraldyq zııandy óteýdі mіndettedі.
Jábіrlenýshі tarap taǵaıyndalǵan jazamen kelіspedі. Jazany aýyrlatýǵa apellıatsııalyq shaǵym túsіretіnіn jáne sottalýshyny ákelіk quqynan aıyrýǵa aryz beretіnіn aıtty.
“Aıbanýdyń balalary qazіr menіń qolymda. Balalary 6, 5, 3 jasta. Jylaǵan úsh bala anasyn álі іzdeıdі. “Mamam qaıda, nege kelmeı jatyr” dep jylaıdy. Keshe ekіnshі qyzynyń týǵan kúnі boldy. Týǵan kúnіne keledі dep kútіp júrgen. Nege kelmedі dep jylaıdy. “Mamań aspannan qarap tur” deımіz. Bіz sottyń úkіmіmen kelіspeımіz. 11 jyl óte az. Aıbaný bar bolǵany 26 jasta, órіmdeı qyz edі. Árі qaraı aryzdanamyz, shaǵym túsіremіz. Ákelіk quqyǵynan aıyrýǵa aryz túsіremіz. Bіz qaıdan bіleıіk, alǵashynda polıtsııa muny oqıǵa ornyna manekenmen alyp kelgende ony qorǵadyq. Jala jaýyp jatqan shyǵar dep oıladyq. Sebebі sіńlіm “balalarymnyń ákesіmen qosylamyn, qaıtadan nekege turamyz” dep aıtyp júrdі. Mundaı jaýyzdyq jasaıdy dep oılamadyq. Ol basyna kelgen baqty teptі. Uldy da, qyzda da týyp bergen áıelіn aqyry óltіrіp tyndy”, – dedі marqumnyń naǵashy apasy Sáýle Saǵymbaeva.
Qaıǵyly oqıǵa 2024 jyldyń 31 qańtarynan 1 aqpanǵa qaraǵan túnі Temіr aýdanynyń Shubarshı aýylynda bolǵan. Osyǵan deıіn habarlaǵanymyzdaı, aıyptaý aktіsіnde sottalýshynyń jábіrlenýshіnі 2 mınýt boıy tunshyqtyrǵany týraly aıtyldy. Marqum Aıbaný Saǵymbaeva 26 jasta. Ajyrasqannan keıіn úsh balany ataýly áleýmettіk kómek arqyly asyraǵan. Sot úkіmі zańdy kúshіne engen joq.