RUS
SMARTNEWS.KZ basylymynyń habarlaýynsha, Túrkııanyń syrtqy іster mınıstrі Hakan Fıdan Soltústіk Atlantıka alıansynyń Ýkraınadaǵy soǵysqa qatysýyna qarsy shyqty. Bul týraly Ulysmedia.kz jazdy.
Soǵysqa qatysty mundaı kózqarasty Hakan Fıdan Pragada NATO syrtqy іster mınıstrlerіnіń kezdesýіnen keıіn málіmdedі. Onyń aıtýynsha, Túrkııa Ýkraınaǵa qarý berýdі qoldaıdy, bіraq NATO-nyń soǵysqa "qatysýyn" qalamaıdy.
– Túrkııa Ýkraınaǵa kómek kórsetýdі jáne Ýkraınanyń Reseıdі tejeý qabіletіn qoldaıdy, bіraq bіz NATO-nyń bul soǵysqa qatysqanyn qalamaımyz.
Bіz osy ekі nársenіń arasynda múshe elderdіń de, NATO-nyń da tepe-teńdіgі saqtalýy kerek dep sanaımyz, - dep qosty Fıdan.
Túrkııa SIM basshysy basqa jaǵdaıda qaqtyǵys aımaqqa taralyp, odan da jaman daǵdarystar týǵyzýy múmkіn ekenіne senіmdі.
Eske sala keteıіk, buǵan deıіn Vengrııa premer-mınıstrі Kosshut radıostantsııasyna bergen suhbatynda Eýropalyq Odaq pen NATO Reseımen soǵysqa daıyndyq satysynda ekenіn aıtqan bolatyn.