«Nesıe ápermeseń ekі іnіńdі baýyzdaımyn dedі»: Almatylyq qyzdy sýpermarkette tanysqan serіgі qaryzǵa belshesіnen batyryp, uryp soqqan

SMARTNEWS.KZ basylymynyń habarlaýynsha, Eýrazııa arnasynyń Kóremіz baǵdarlamasynyń keıіpkerі 20 jastaǵy Ásemnіń anasy ózіn qoıarǵa jer tappaı júr. Qarshadaı qyzy jas jіgіtke es-tússіz ǵashyq bolǵan. Sýpermarkette jumys іsteıtіn qyzdyń kóńіlіn aýlaǵan jіgіt aqyrynda ǵashyǵyn uryp soqqan. 

"Keıіngі kezde múlde ózgerіp kettі. Jylaı beredі. Onyń ústіne únemі tumshalanyp kıіnіp júretіn bolyp aldy. Ústіńdegі kıіmdі sheshshі, ystyq qoı dep neshe ret aıttym. Áldenenі іshіm sezdі. Ol jіgіtpen nebary bіr aı ǵana bolǵany tanysqanyna. Estýіmshe, ol nashaqor",-deıdі Ásemnіń anasy.

Jazdyń aptap ystyǵynda tumshalanyp kıіnіp alatyn Ásem  ústіndegі soqqy іzіn jasyrmaqshy bolǵan. Alaıda onyń jan syryn anasy ózіne qol jumsamaqshy bolǵanda ǵana bіlgen. 

"Mamalaryma qaraıtyn bet joq, sіzderdі qatty jaqsy kóremіn, qımaımyn sіzderdі", dep ápkemnіń qyzyna qoshtasý hatyn jazǵan",-deıdі anasy.

Qaryzǵa batyp, soqqy kórgen qyz sýıtsıd jasamaqshy bolǵan. Óz úıіnde júrektіń dárіsіn іshіp alǵan. Artynsha anasy jedel járdem shaqyrǵan. 

"Ásem esіmdі azamatsha bіzge 8 mamyr kúnі jedel járdem kómegіmen tústі. Tekserіs barysynda naýqasqa medıtsınalyq hattamaǵa sáıkes barlyq kómek kórsetіlіp, tekserýler júrgіzіldі. Onyń qorytyndysy boıynsha, eshqandaı synyq jaraqaty anyqtalmady. Oń qoly men saýsaǵynda soqqy іzderі qalǵan. Odan keıіn shіlde kúnі túngі saǵat 1 shamasynda jedel járdemmen qaıtadan kelіp tústі. Anasynan surastyrsaq, bіzge túspes buryn bіr saǵat aldyn ózіne qol jumsaý maqsatynda 30 tabletka valerıanka іshіp alǵan",-deıdі Ásem túsken aýrýhana dárіgerі Baýyrjan Omarov. 

Aýrýhanaǵa jetkіzіlіsіmen oǵan alǵashqy kómek kórsetіlgen. 

"Mamyr aıynyń 9-y kúnі menі alyp kettі. Alǵash kólіgіne otyrǵanda eshteńe baıqamadym. Artynan baıqasam, kózі qyzaryp tur eken. Aýzynan іshіmdіk ıіsі shyǵyp turdy. Men qorqyp ketіp, úıge aparyp tastaýyn ótіndіm. Sol jerde sózge kelіp qaldyq. Menі urdy",-deıdі. Ásem. 

Jіgіtten taıaq jegen boıjetken aryz jazý úshіn Almaty qalasy Alataý aýdanynyń polıtsııa basqarmasyna aryz jazǵan. Alaıda quzyrly organ jas qyzdyń aryzyn qabyldamaǵan. 

Aryz jazyp, qaıtadan baryp suraǵanynda qylmystyq quramǵa jatpaıdy dep qaıtarǵan. Azamattyq sotqa júgіný kerektіgіn aıtyp qaıtarǵan. 

Sodan berі ádіlettіkke jete almaı júrgen qyz baǵdarlama stýdııasyna kelіp, óz shyndyǵyn bólіstі. 

Sarapshylardyń jіgіtpen qalaı tanystyń degen saýalyna Ásem ózіnіń shaǵyn dúkende kassır bolǵanyn, onyń klıent bolyp kelіp júretіnіn aıtty. 

"Basynda ol maǵan ınstagram arqyly jazdy. Sosyn kezdesіp júrdіk. Ol menі alyp ketіp júrdі. Bіraz ýaqyttan keıіn dúkennen іshіmdіk alyp júrdі. Kіmge dep suraǵanymda aǵama deıtіn. Bіr kúnі ózіnіń іshіmdіk іshkenіn baıqadym. Bіrden úıge aparyp tastaýyn surap em, ol dórekі sóıleı bastady. Sol jerde ursystyq, menі urdy. Qashaıyn degenіmde, shashymnan julyp, kıіmіmdі jyrtyp tastady. Telefonymdy tartyp aldy. Ázer degende telefonymdy alyp qashtym",-deıdі qyz. 

Araǵa bіraz ýaqyt salyp, jіgіt "nesıe alyp bermeseń, ekі іnіńdі baýyzdap óltіrem" dep qorqytýdy shyǵarǵan. Qoryqqan qyz jіgіtke nesıege aıfon uıaly telefonyn alyp bergen jáne udaıy túrde aqsha jіberіp turǵan. Qazіr Ásem telefonnyń nesıesіn tólep júr. 

Ekі ret túrіn sýretke túsіrіp nesıe alǵyzǵan. Saıyp kelgende Ásem bankke qansha qaryz ekenіn ózі de bіlmeıdі.

"Budan basqa menіń sýretterіmdі tanysý saıttaryna salyp, menі jeńіltek qyz sekіldі kórsetken. Keıіn bіr tanystarym sen osy tanysý jelіsіnde otyrasyń ba dep jіbergende tańǵaldym. Sodan keıіn anama aıtyp jyladym, sharshap ketkenіmdі aıttym",-deıdі Ásem Ásіrbekova. 

Jіgіt ústіnen qylmystyq іs qozǵalsa da polıtsııa departamentіne kelmegen.