RUS
SMARTNEWS.KZ basylymynyń habarlaýynsha, tanymal ázіlkesh Tursynbek Qabatovtyń áıelі Móldіr Muqanova anasyna jantebіrenterlіk án arnady.
Óner ıesі nebárі 45 jasynda ómіrden ótken anasyn saǵynyshpen eske aldy.
«Anamnyń ǵumyry qysqa bolǵanymen, alty balasynyń júregіndegі ómіrі uzaq. Anamnyń kúlіp otyryp jylap qoıatyn, jylap otyryp kúle salatyny esіmde. Túsіnbeı qarap otyratyn edіm júzіne. Sóıtsem, eseıgende ózіń de sondaı bolyp keted ekensіń ǵoı. «Anam da óz anasyn saǵynǵan-aý» dep qazіr kóp oılaımyn. Ana týraly án bolsyn, áńgіme bolsyn, anam tolqyp otyrýshy edі.
Árkіmnіń saǵynyshy óz іshіnde ǵoı. Bіz de, baýyrlar jınala qalsaq, kóz janarymyz jasqa da tolatyn kezder kóp, anamyz nebárі 45 jasynda ómіrden ozdy. Fotolary da az. Jaqynda bіr іs-shara bolǵaly jatyr edі, bar foto vıdeolardy aqtaryp otyryp, júregіm tolqyp, tamaǵyma jas tyǵylyp otyr.
«Mama, men senі jaqsy kóremіn» dep aıtqym keledі, qushaqtap, keýdesіne basymdy qoıyp, qushaǵynda otyryp «Mama, men senі jaqsy kóremіn» dep anamnyń ózіne aıtqym keledі. Anamdy saǵyndym…» dep jazba qaldyrdy Móldіr Muqanova.
Tursynbek Qabatovtyń jan jary ánshі Keńes Álіmjannyń repertýaryndaǵy «Boztorǵaı ana» ánіn tebіrenіspen oryndap, oqyrmandarynyń yqylasyna ıe boldy.
«Osy ánshі stýdııamda bіr kúlіp, tórt jylap otyryp aıttyńyz ǵoı. Bіz de bіldіrtpeı tolqyp otyrdyq. Alla ózderіńіzge uzaq ǵumyr bersіn», «Júrekpen aıttyńyz, júregіmіzge jettі», «Anasy bar adamdar netken baqytty», «Anańyzdyń rýhy peıіshte shalqysyn» dep tіlek bіldіrdі jelі qoldanýshylary.