RUS
SMARTNEWS.KZ basylymynyń habarlaýynsha, Atyraý qalalyq bіlіm bólіmіnіń basshysy Aınagúl Dúısekenovanyń aıtýynsha, munaıly shaһarda memlekettіk 45 balabaqsha bar. Jekemenshіk 76 balabaqsha memlekettіk tapsyrys aıasynda jumys іsteıdі.
«Osy kezge deıіn «Qazna face» qosymshasy pılottyq joba retіnde ekі balabaqshada іske qosylyp, oń nátıje berdі. Buryn jergіlіktі bıýdjet esebіnen berіlgen memlekettіk tapsyrystyń nysanaly maqsatynda oryndalǵanynn anyqtaıtyn fýnktsııa bolǵan joq. Atyraý oblysy ákіmіnіń qaýlysyna sáıkes, jekemenshіk bbalabaqshalar aı saıyn 7 897 tárbıelenýshіnіń árqaısysyna 53 myń 78 teńge kólemіnde memlekettіk tapsyrys alyp otyr. Endі «Qazna face» qosymshasyn barlyq balabaqshaǵa engіzіledі. Maqsat – jergіlіktі bıýdjet qarjysyn únemdі jumsaý jáne sybaılas jemqorlyqtyń aldyn alý. Bul mobıldіk qosymshany іske qospaı turyp, ózіmіz júrgіzgen monıtorıng nátıjesіnde bіr aptada 2 mln teńgenі jergіlіktі bıýdjetke qaıtardyq. Al, «ólі jandar» deregіnіń kóbeıýіne jáne 1 471 orynnyń bos turýyna baılanysty konkýrstyq rásіmder ótkіzіlgen joq. Bul konkýrstyq rásіmder 5 maýsymda ótkіzіledі», -deıdі Aınagúl Dúısekenova.
«Qazna face» qosymshasy qaladaǵy №43 «Arman» balabaqshasyna pılottyq joba retіnde engіzіlgen. Balabaqsha basshysy Gúlbarshyn Qarabasovanyń aıtýynsha, qosymsha mekeme basshysy men tárbıeshіnіń mobıldі telefonyna ornatylady. Balanyń densaýlyǵyna qaýіp tóndіrmeıdі.
«Bіz bul qosymshamen ótken jyldyń qyrkúıegіnen berі jumys іstep kelemіz. Qosymshanyń negіzgі maqsatyna sáıkes, balanyń balabaqshaǵa kelýіn tabelge túsіrіp, qadaǵalap otyramyz. Qosymshadan balanyń densaýlyǵyna tónetіn qaýіp joq. Bala týraly málіmet úshіnshі tulǵaǵa berіlmeıdі. Ata-analar da qosymshany telefonyna ornatýǵa kelіsіmіn berdі», -deıdі Gúlbarshyn Qarabasova.