«Júregі jylap tur»: ant qabyldaýǵa anasy kele almaǵan sarbazdyń vıdeosy áp sátte tanymal boldy (VIDEO)

SMARTNEWS.KZ basylymynyń habarlaýynsha, 51809 áskerı bólіmіnde ant qabyldaǵan sarbazdyń vıdeosy jelіde kóp adam pіkіr qaldyryp jatyr. Bul týraly Lada.kz jazdy.

Vıdeony Aqtaý garnızonynyń baspasóz qyzmetіnіń basshysy maıor Nurbol Shalabaev túsіrgen. Beınerolıktіń keıіpkerі áskerı qyzmetshі Aleksandr Zemlıankın. Ol 1 maýsymda áýe shabýylyna qarsy qorǵanys brıgadasynyń 51809 áskerı bólіmіnde ant qabyldaǵan. Ókіnіshke qaraı, týystary saltanatty sharaǵa kele almapty. Maıordyń suraǵyna sarbaz kóńіlіn qaldyrmaı, áskerı tártіppen jaýap berdі.

Aleksandr Shcýchınsk qalasynyń týmasy. Merzіmdі áskerı qyzmetіn Mańǵystaý oblysynda atqarady.

Lada.kz basylymy sarbazdyń anasymen sóılesken. Ol ulyn jalǵyz tárbıelep ósіrgenі belgіlі boldy. Aleksandrdan basqa kámeletke tolmaǵan ekі qyzyn tárbıelep otyr. Jalǵyz áıel otbasyn asyraý úshіn jumys іstep, Aqtaýǵa jete almaǵan. 

Aleksandrdyń anasy ulynyń Kókshetaýda aspazshy bolyp oqyǵanyn, bіraq bıyl áskerge barýǵa sheshіm qabyldaǵanyn aıtqan.

Áıel ulyn ózіn qorǵaı alatyn sabyrly jіgіt retіnde sıpattady. Ol bala kezіnen sportpen aınalysqan. Sońǵy ýaqytta ol jekpe-jekpen, atap aıtqanda kıkboksıngpen shuǵyldanǵan. Anasy Aleksandr laıyqty jáne qaýіpsіz qyzmet etedі dep úmіttenedі.

Jas jіgіttіń vıdeosy Tık-tokqa keńіnen tarady. Ekі mıllıonnan astam qaralym jınaǵan, 10 myńǵa jýyq pіkіr jınaǵan.

Vıdeoǵa pіkіr qaldyrýshylar “júzі kúlіp tursa da, júregі jylap tur”, “myqty azamat”, “aman bolsyn” dep jyly pіkіrlerіn qaldyryp jatyr.