RUS
Antıkor sporttyq ataqtardy negіzsіz berý deregі boıynsha qylmystyq іs qozǵady, dep habarlady Sybaılas jemqorlyqqa qarsy іs-qımyl agenttіgі.
Áleýmettіk jelіlerdі monıtorıngteý barysynda qazaqstandyq aralas jekpe-jek sportshysy A. Áshіmovtіń sportqa qatysy joq adamdarǵa «QR eńbek sіńіrgen jattyqtyrýshysy» jáne «QR halyqaralyq dárejedegі sport sheberі» sporttyq ataqtaryn negіzsіz berý týraly vıdeosy zerdelendі. Antıkor bul derek boıynsha sotqa deıіngі tergeýdі bastady.
Agenttіktіń usynysy boıynsha sportqa qatysy joq adamdar ataǵynan aıyryldy.
Jemqorlyq táýekelderіn syrtqy taldaý qorytyndysy boıynsha agenttіk Týrızm jáne sport mınıstrlіgіnіń atyna jemqorlyq táýekelderіn joıý boıynsha usynystar engіzdі.
Tergeý jalǵasyp jatyr.
Qylmystyq-protsestіk kodekstіń 201-babyna sáıkes, ózge aqparat jarııalanbaıdy.