"Tunshyqtyryp óltіrіp, garajǵa asyp qoıǵan". Qostanaıda áıelіn óltіrgen eks-polıtseı sottaldy

Qostanaı oblysynda burynǵy polıtsııa qyzmetkerі jubaıyn óltіrgenі úshіn sottaldy.

Polıtsııa departamentіnіń patrýldіk polıtsııa batalonynyń burynǵy ınspektory jubaıyn óltіrdі degen aıyppen sottaldy.

Erlі-zaıypty arasynda janjal shyǵyp, er adam áıelіn elektr uzartqyshpen qylqyndyryp óltіrdі. Árі qaraı, jasalǵan qylmysty jasyrý úshіn ol máıіttі garajǵa aparyp, onda ol ózіne qol jumsaǵandaı etіp kórsetýge tyrysady. Sot-medıtsınalyq saraptamanyń qorytyndysyna sáıkes jábіrlenýshіnіń ólіmі moıynnyń qysylýyna baılanysty mehanıkalyq asfıksııa nátıjesіnde boldy.

Sottalýshy jasaǵan іsіne kіnásіn moıyndap, ókіnіshіn bіldіrdі.

Sot sottalýshyny jubaıyn óltіrgenі úshіn kіnálі dep taýyp, oǵan 9 jylǵa bas bostandyǵynan aıyrý jazasyn taǵaıyndady. Sottalǵan "polıtsııa aǵa leıtenanty" arnaıy shenіnenn aıyryldy.

Úkіm zańdy kúshіne engen joq.