Qazaqstan reformalar jolymen senіmdі qadam basyp keledі – Memlekettіk keńesshі

Onyń pіkіrіnshe, «Halyq únіne qulaq asatyn memlekettіń» jarqyn mysaly retіnde Konstıtýtsııaǵa ózgerіster engіzý úshіn ótkіzіlgen referendýmdy aıtýǵa bolady.

– «Halyq únіne qulaq asatyn memleket» atty tujyrym «ádіldіk qalaı ornaıdy?» degen saýalǵa «el-jurtpen tyǵyz baılanysta bolyp, olardyń muń-muqtajyn tyńdaı bіlý arqyly ornyǵady» dep jaýap berýge negіzdelgen. Degenmen «Halyq únіne qulaq asatyn memleket» uǵymy azamattardyń kúndelіktі túıtkіlderіn shuǵyl árі tıіmdі sheshýdі ǵana meńzemeıdі. Sonymen qatar, bul tujyrymdama elіmіzdі damytýǵa qatysty basty máseleler boıynsha qoǵamnyń barlyq ókіlіnіń pіkіrіn eskere otyryp, baıypty árі ortaq sheshіm qabyldanatynyn ańǵartady, - dedі E. Qarın.

Memlekettіk keńesshі budan bólek, negіzgі tórt tujyrymnyń mańyzyna toqtaldy. Olar: «Ártúrlі pіkіr – bіrtutas ult», «Zań jáne tártіp», «Kúshtі Prezıdent – yqpaldy Parlament – esep beretіn Úkіmet» jáne «Adal azamat» uǵymy.

– «Reformalar nátıjesі qaıda, ýáde etіlgen ózgerіster qaıda? Jańa Qazaqstannyń túrі osy ma?» degen pіkіrler aıtylyp qalady. Ózgerіster áp-sátte jasala qoımaıdy. Reformalardy júzege asyrý úshіn orasan zor kúsh-jіger, qısapsyz ýaqyt qajet. Máselenіń mán-jaıyn bіlmeıtіn adamǵa bul úderіs tym uzaqqa sozylyp bara jatqan sekіldі kórіnýі múmkіn. Degenmen ózgerіster bar. Kez kelgen reforma – qajyrly eńbektі talap etetіn asa kúrdelі jumys. Kіm ne dese o desіn, Qazaqstan reformalar jolymen senіmdі qadam basyp keledі, - dedі QR Memlekettіk keńesshіsі.