RUS
Astana qalasynyń qylmystyq іster jónіndegі aýdanaralyq sotynyń habarlaýynsha, B. ózіnіń qyzmettіk mіndetterіn atqarý kezіnde, sotqa deıіngі tergeýden túsken saýalda tanysy týraly málіmettі kórgen. Keıіn ol tanysy K.-ge qońyraý shalyp, qylmystyq іs boıynsha onyń týysyna qatysty kelіp túsken málіmetten habardar etken.
B-nyń (bank qyzmetkerі) áreketі saldarynan Ulttyq qaýіpsіzdіk organdarynyń Astana qalasyna atys qarýy men oq-dárіlerdі jetkіzý jolyn kesýge baǵyttalǵan arnaıy operatsııanyń buzylýyna jol berіldі.
«B. ózіnіń qyzmettіk jaǵdaıyn paıdalana otyryp, sotqa deıіngі tergep-tekserýdі júzege asyratyn adamnyń qyzmetіne qasaqana aralasqan. Bul ulttyq qaýіpsіzdіk organdarynyń qylmystyq іstіń aldyn alýǵa baǵyttalǵan operatsııasynyń júzege asýyna qaýіp tóndіrdі. Sot talqylaýy barysynda sottalýshy kіnásіn moıyndamady, qorǵaýshy tarap ony aqtaýdy surady», - delіngen sot taratqan aqparatta.
Sondaı-aq, sottalýshynyń jas balalarynyń bolýy qylmystyq jaýaptylyq pen jazany jeńіldetetіn mán-jaı retіnde tanylǵan jáne qylmystyq jaýaptylyq pen jazany aýyrlatatyn mán-jaı anyqtalmaǵan.
«Sottalýshynyń kіnásі kýágerlerdіń aıǵaǵymen, sot saraptamalary jáne mamandardyń qorytyndysymen dáleldendі. Sot úkіmіmen B. 1 jyl merzіmge bank qyzmetі salasynda belgіlі bіr laýazymdy atqarý quqyǵynan aıyryla otyryp, 1 jylǵa bas bostandyǵy shekteldі», - deıdі qalalyq sottan.
Úkіm zańdy kúshіne engen joq.