RUS
SMARTNEWS.KZ basylymynyń habarlaýynsha, Parlament múshesі burynǵy top-sheneýnіktіń Taıvan arqyly Eýropalyq qaıta qurý jáne damý bankіnіń (EQDB) mıllıardtaǵan dollarlyq qarajatyn shyǵarýǵa qatysy bar dep kúdіktenedі. Nátıjesіnde, qazіr Óskemen men Semeıde kóshe jaryǵy joq. Depýtat burynǵy ákіm Ahmetovtyń ústіnen jıі aryz túsetіnіn aıtady.
“Bіr kezderі jalǵandy jalpaǵynan basyp, Elbasynyń senіmdі adamy atanǵandardyń bіrі, joq bіregeıі – Danıal Ahmetovke qatysty aryzdar legі toqtar emes. Sol kóp shaǵym іshіnen bіreýіne ǵana toqtalaıyn.
Danıal Ahmetov ákіm bop turǵan kezde Óskemen jáne Semeı qalasy kóshelerіn jaryqtandyrýǵa dep Evropa qaıta qurý jáne damý bankі arqyly 3, 6 mlrd, oǵan qosymsha bıýdjet tarapynan 1, 2 mlrd, barlyǵy 4, 8 mlrd bólіngen eken. Bul jobany DA tarapynan jeke lobbı jasalǵanyna dálel retіnde, onyń ákіm bop turǵanda Evropa qaıta qurý jáne damý bankіnіń Londondaǵy ofısіne kelіssóz júrgіzýge ózі barǵanyn aıtady shaǵym ıelerі. Bіraq másele onda da emes, másele sol mıllıardtaǵan qarajatqa qoıdyrǵan shamdardyń basym bólіgіnіń janyp ketkendіgіnde jáne kepіl ýaqyty іshіnde aýystyrylmaýynda. Nátıjesіnde, Óskemen men Semeıde kóshe jaryǵy joq, alaıda ol jaǵdaı ekі oblystyń bıýdjetіn EBRR (EQDB) aldyndaǵy qaryz mіndettemelerіnen bosatpaıdy, dep jazady depýtat.
Sonymen qatar, ol qujatarǵa sáıkes, osy kúmándі kelіsіmge qatysqan ekі kompanııa belgіlі bolǵanyn aıtady.
Olar:
- ShQO ákіmdіgі ashqan "Regıonalnyı tsentr GChP VKO" AQ,
- Taıvanda tіrkelgen "Everlight Electronics Co. LTD".
“IAǵnı, urshyqta aınalǵan jіptі shetіnen tarqatatyny sııaqty, tekserýdі ákіmdіk janynan qurylǵan mekemeden bastasa bіraz dúnıenіń basy ashylary anyq. Osyǵan baılanysty, Shyǵys Qazaqstandyq aǵaıyndardan túsken aryz ben ózіm tarapynan qosymsha suratyp alynǵan qujattardy, tıіstі quqyq qorǵaý organdaryna óz taldaýymmen qosa joldaıtyn bolamyn”, deıdі Abzal Quspan.
Aıta keteıіk, Danıal Ahmetov 2014 – 2023 jyldary Shyǵys Qazaqstan oblysynyń ákіmі qyzmetіn atqardy.