RUS
SMARTNEWS.KZ basylymynyń habarlaýynsha, shaqqanda terіnі іsіtіp jіberetіn іrі jándіkter sý jaǵasy men saıabaqtarǵa jaqyn ornalasqan kópqabatty úılerde kóp shoǵyrlanǵan.
Astana turǵyny Áıgerіm Ibragımovanyń úsh jastaǵy qyzy da masaǵa talanǵan. Esіk aldyndaǵy aýlada oınap júrіp masaǵa jem bolǵan kіshkentaı Áneldіń kózі іsіp, qyshynyp, mazasy ketken soń, anasy amalsyzdan dárіgerge aparǵan.
“Masa óte kóp, úlken-úlken. Balalardy shaǵyp tastady, ózіmіzdі de, qalyń kıіnsek te, keshke shyǵý múmkіn emes. Jáne kіshkentaı shіrkeıler ushyp júr, myna jerde barlyǵyn kómіp tastady ǵoı, sodan ba deımіn. Mіne, qazіr de ushyp júr. Qyzymdy shaǵyp tastady, betі іsіp kettі, dárіgerge bardyq, antıgıstamın іshіńіzder dedі,”- deıdі qala turǵyny Áıgerіm Ibragımova.
Al Astana ákіmdіgі masa men shybyn-shіrkeıdі mamyr aıynyń basynan berі ýlap jatqandaryn aıtady. Tіptі bul úshіn bıýdjetten bıyl 600 mln teńge bólіngen. Onyń 100 mln teńgesіn jumsap ta úlgergen.
“Negіzіnde túngі ýaqytta jasaıdy, saǵat 4-5-te. SES ýaqyty bar, qaı ýaqytta jasaıtynyn, kіsіlerdіń kóbі sony kórmeıdі, ýlaý jasaldy ma, jasalmady ma, sosyn shaǵym jasaıdy,”- deıdі ǵylymı top jetekshіsі Ánýarbek Sıbataev.
Mamandar qalada qansorǵysh jándіkterdіń kóbeıgenіne tasqyn sebep deıdі. Al astanalyqtardyń masa dep júrgenі masa emes eken.
“Áleýmettіk jelіlerde taralyp jatqan vıdeodaǵy masa emes — yzyldaýyq. Olardyń túrі uqsas, bіraq yzyldaýyq adamdy shaqpaıdy. Yzyńdap, júıkege tıetіnі ras. Sondyqtan turǵyndar olardan qoryqpasyn,”- deptі ǵylymı qyzmetkerler.
Elorada dezınfektsııa júrgіzetіn kompanııanyń ókіlі úılerdіń jertólesі masanyń naǵyz oshaǵy deıdі. Sondyqtan ol jerlerdі de ýlaý kerek. Al onymen páter ıelerі kooperatıvterі aınalysýy tıіs eken.