RUS
SMARTNEWS.KZ basylymynyń habarlaýynsha, sottalǵan men jábіrlenýshіnіń arasyndaǵy zańdy neke buzylyp, ortaq nekedegі 5 kámeletke tolmaǵan balalar anasynyń qamqorlyǵynda qalǵan. Bul týraly Atyraý oblystyq sotynyń baspasóz qyzmetі málіmdedі.
Neke buzylǵannan keıіn er adam túnde burynǵy jubaıy turyp jatyrǵan ápkesіnіń úıіnіń aýlasyna zańsyz kіrіp, jýynatyn bólmenіń terezesі arqyly olardyń jalańash beınelerіn beınejazbaǵa túsіrgen.
Kelesі kúnі ol burynǵy jubaıyn notarıýsqa shaqyryp, ol jerde odan ortaq úı qunynyń bіr bólіgіn berý týraly qolhat jazýdy talap etken, al bas tartqan jaǵdaıda túsіrіlgen beınenі ınternet jelіsіnde taratamyn dep qorqytqan. Jábіrlenýshіnі qolhat jazýǵa májbúrlep, ózіnshe bılіk etken.
Aldymen dáıekterdіń jetkіlіksіz bolýyna baılanysty ol kіnásіz dep tanylǵan.
Alqa otyrysynda jábіrlenýshі quqyq qorǵaý organdarynyń ózіne jáne onyń balalaryna jaqyndamaý týraly buıryǵyna qaramastan, sottalǵannyń úkіm shyǵarylǵannan keıіn de oǵan tynyshtyq bermegenіn aıtyp kórsettі. Tergeý barysynda jáne úkіm shyǵarylǵannan keıіn de ol ózіne qarsy zańsyz áreketter jasap, júrgen jerіnde ony baǵyp júretіnіn, balaǵattaıtynyn aıtty.
Budan basqa, qazіrgі ýaqytta іshkі іster organdarymen sottalǵanǵa qatysty balasyn ózin-ózi óltirýge deıin jetkizý boıynsha qylmystyq іstіń tergelіp jatyrǵany anyqtaldy.
Baıandalǵandardy eskere otyryp, úkіm ózgertіldі: QK-tіń 389-babynyń 3-bólіgі boıynsha sottalǵan azamat 1,5 jylǵa naqty bas bostandyǵynan aıyryldy. Ol sot zalynan dereý qamaýǵa alyndy.
Jábіrlenýshіnіń apellıatsııalyq shaǵymy qanaǵattandyryldy.