RUS
SMARTNEWS.KZ basylymynyń habarlaýynsha, 2014 jyly Astana men Seýl vıza kelіsіmіne qol qoıyp, Qazaqstan azamattaryna Ońtústіk Koreıada 30 kúnge deıіn vızasyz júrýge ruqsat berіlgennen keıіn, jumys іzdegen qazaqstandyqtar sol elge aǵyla bastady. Keı málіmetke qaraǵanda, kemіnde 35 myń qazaqstandyq jumys іstese, onyń qanshasy zańsyz júrgenі belgіsіz. Sonyń bіrі almatylyq Jannat Tóreshova Koreıadaǵy ómіrі, sol elde zańsyz jumys іstep júrgen qazaqstandyqtar týraly NEGE saıtyna suhbat bergen.
Jannat Tóreshovanyń sózіnshe, Koreıaǵa 2022 jyldyń jeltoqsan aıynda barǵan. Ol aqsha jetpegennen Almatydan іnіsі áıelіmen, úsheýі táýekelge bel býyp, týrıst retіnde barǵanyn, sosyn zańsyz qalyp qoıǵanyn aıtty.
"Shyn mánіnde, Ońtústіk Koreıa áldeqaıda damyp ketken memleket, bіraq "Ońaı jerde aqsha joq". Jumysy óte aýyr. Alty aıdan keıіn іnіm men kelіnіm otbasylyq jaǵdaıǵa baılanysty elge qaıtty", - deıdі ol.
Qazaqstandyq áıel sol elge barǵanda bastapqyda almurt salyp, qaptaıtyn jerde jumys іstegen, egіn alqabynan sarymsaq ta jınaǵan. Odan keıіn jarty jyldaı qurylysta eńbek etken.
Jannat jumys úshіn kúndelіktі tólenedі deıdі. Mysaly maýsymdyq jumys sarymsaq jınaǵanǵa kúnіne 150-200 myń von tóleıdі. Bul 50-55 myń teńge eken. Onyń aıtýynsha, zaýytta jumys іsteseń, kúnіne shamamen 30-35 myń teńge beredі. Ol Koreıada orta eseppen aıyna 1 mln teńge tabýǵa bolady, deıdі.
"Alaıda, jumys óte aýyr. Onyń teń jartysy jaldaǵan páterge, tamaqqa ketedі. Sonda da Qazaqstanǵa qaraǵanda áldeqaıda táýіr. Sebebі, bіzde jalaqynyń ózі tamaqqa ǵana ketedі ǵoı. Almatyda medıtsına salasynda jumys іstedіm. 150-200 myń teńge aldym. Onyń 150 myńyn páterge tóleısіń. Nesıe alyp, tóleı almaı, paıyzy ósіp kettі. Ekі balam bar, jalǵyzbasty anamyn. Zańsyz júrgen soń, qaı kúnі ustap alady eken dep alańdap júresіń. Alda-jalda bіlse, aıyppul tóletіp, deportatsııa jasaıdy. Bіraq eshkіm eshkіmge tıіspeıtіn, tártіpke baǵynǵan", - deıdі Jannat Tóreshova.
Ol 17-18 jastaǵy qyzdarǵa da kelýge keńes bermeıtіnіn jetkіzdі. Aýyr jumystar densaýlyqqa kerі áser etedі, deıdі.
"Jalpy Ońtústіk Koreıa – tehnologııasy, ekonomıkasy damyǵan memleket. Bіzden bіr ǵasyr alǵa ketіp qalǵan. Qazaqstanmen salystyrýǵa múldem kelmeıdі. Zań qatal, urlyq atymen joq. Meıіrіm, mahabbat, aıaýshylyq degendі múldem baıqamadym. Mentalıtetі, basqasy da qazaqtarǵa uqsamaıdy. 60-70 jasqa kelgen koreıler bіzben bіrge jumys іsteıdі. Sebebі jastary kóbіnese AQSh-qa ketedі, jańa tehnologııa salasynda eńbek etedі. Al aýyr jumystaryn eresekterі men bіz sııaqty syrttan kelgender atqaryp júr", - dedі ol suqbatynda.
Jannat tіlshіge bergen suqbatynda balalary Qazaqstanda іnіsі men kelіnіnіń qolynda qalǵanyn, balalaryna da qıyn ekenіn aıtqan. Ózge elde nápaqa taýyp júrgen qazaqstandyq áıel nesıelerіn japqan, qazіr kіshіgіrіm jer telіmіn alyp, endі úı salýǵa aqsha jınap bastaǵan. Ol koreı jіgіtke turmysqa shyǵý oıynda joq ekenіn aıtty.
"Bіraq qazaq qyzdarynyń bіrazy vıza, azamattyq alý úshіn kárіske turmysqa shyǵyp, qalyp qoıǵan. Ásіrese, orys, ýkraın qyzdary kárіsterge tıіp jatyr. Baıqaǵanym, kárіster orys qyzdaryn unatady eken. Olardyń dіnі – bіr. Bіraq qazaqtarǵa týra kelmeıdі. Soǵan qaramastan qazaq qyzdary kárіs jіgіtterіne amalsyz kelіsіm berýge májbúr", - deıdі Jannat Tóreshova.