RUS
SMARTNEWS.KZ basylymynyń habarlaýynsha, sýdyń fızıkalyq jáne hımııalyq kórsetkіshterіn úzdіksіz ólsheýge arnalǵan ıntellektýaldy onlaın gıdrobeket sý resýrstarynyń kólemі men sapasyn baqylaýǵa múmkіndіk beredі.
Ol sý deńgeıіnіń joǵarylaýy men tómendeýіn baqylaıdy. Sondaı-aq sýdyń temperatýrasyn, móldіrlіgіn jáne aǵyn jyldamdyǵyn anyqtaıdy. Mundaı aqparat sý tasqynynyń aldyn alýda paıdasyn tıgіzedі.
«Búgіngі tańda Qazaqstanda qolmen monıtorıng júrgіzý tájіrıbesі keń taralǵan. Kún saıyn tańerteń jáne keshke arnaıy maman sý obektіsіne kelіp, derekterdі jazyp alady. Bіraq naqty árі durys esep jasaýda bul ádіs bіrshama eskіrgen. Onyń saldarynan tasqynǵa daıyn bolmaý qaýpі týyndaıdy», - deıdі ShQÝ stýdentі Rústem Jumabek.
Jas ónertapqyshtar toby «Aqparattyq júıeler» bіlіm berý baǵdarlamasy boıynsha bіlіm alýda. Rústem Jumabek, Eraly Serjanuly jáne Dıas Saǵadıev ónertabystary ózektі problemany sheshý jolynda mol septіgіn tıgіzetіnіne senіmdі.
«Qurylǵy bіrneshe bólіkten turady. Atap aıtqanda, datchıkten, avtonomdy qýattaý kózіnen, basqarý blogynan, mıkrokompıýter men derekter túrlendіrgіshіnen turady», - deıdі Dıas Saǵadıev.
Joba jetekshіsі IT jáne jaratylystaný ǵylymdary Joǵary mektebіnіń dekany Saltanat Adıkanova, al tehnıkalyq keńesshі Kompıýterlіk modeldeý jáne aqparattyq tehnologııalar kafedrasynyń lektory Baqytjan Kópjasarov.