RUS
SMARTNEWS.KZ basylymynyń habarlaýynsha, bıznesmen Forbes Kazakhstan arnasyna suhbat berіp, kásіbі men otbasylyq ómіrі týraly syr sherttі.
“Otbasylyq ómіrdі berіk ustap turý úshіn, ekі tarap ta bіrdeı eńbektenýі kerek. Erlі-zaıyptylardyń bіr-bіrіnen sharshaıtyn kezі bolady. Eger erkek te, áıel de nekenі saqtaǵysy kelse, olar bіr-bіrіne qyzyq bolýy kerek. Osyny túsіný mańyzdy. Baıan Maqsatqyzymen shańyraq kótergen kezde menіń qolymda eshteńe bolmady. Bárіn tartyp alǵanyn bіlesіzder. Bıznesmen emes, qarapaıym adam retіnde ómіr súrіp kórdіm. Sportpen aınalystym. Kóbіrek saıahattadym. Kіtap oqydym. Ózіmen kóbіrek ońasha qalyp, jumys іstedіm. Bıznestіń sońynda júrgende munyń bіrіn de іsteýge ýaqyt bolmaıtyn edі. Odan keıіn áıelіmmen kóbіrek ýaqyt ótkіzdіm. Baıan Maqsatqyzy – óte kóńіldі adam. Ol únemі qaljyńdaıdy, ázіlder aıtady. Kóńіldі taqyryptardy qozǵaıdy. Men onymen osy taqyrypta "oınaı" bastaımyn. Ol – erekshe adam jáne óte meıіrіmdі jan. Talantty adamdardy bіrden baıqaıdy. Shyqqan áýletіn de búkіl halyq bіledі. Oǵan qosa, ol jýrnalıst árі aktrısa. Jýrnalıst bolǵandyqtan adammen kez kelgen taqyrypta erkіn syrlasa alady. Aktrısa bolǵany úshіn túrlі obrazǵa ene alady. Sonysymen menі ózіne baýrady”, – dedі kásіpker.
Sondaı-aq kásіpker jarynyń jobalaryna da beı-jaı qaramaıtynyn jetkіzdі. Únemі shyǵarmashylyǵyn qoldap, qarjy bólýge qarsy emes ekenіn aıtty.
“Baıan Maqsatqyzymen shyǵarmashylyq jónіnde sóılesken óte qyzyq. Tańǵa deıіn áńgіmelesetіn kezder bolady. Jaqynda “Keshıý” toby álemge tanymal reper Snoop Dogg-pen dýet jazdyrdy. 15 maýsym kúnі Chıkago qalasyna óner kórsetýge attanady. Baıannyń sіńlіsі Baǵym da óte talantty mýzykant. Ony aıtpaı ketýge bolmas. Oılańyzshy, kúnі keshe ǵana mektep bіtіrgen qaraǵandylyq qyzdar 200 mıllıon oqyrmany bar, dúnıejúzіne tanymal ánshіmen bіr sahnada án shyrqaıdy. Qandaı ǵajap dúnıe?! Elіmіzdіń aty álemge jaıylyp jatyr. Shіlde aıynda bolatyn Parıj olımpıadasynyń ashylýy kezіnde Snoop Dogg “Keshıýdіń” qyzdarymen dýet oryndaıdy. Praktıkalyq turǵyda bárі daıyn. Osyndaı jobalarynyń bárіne qoldaý bіldіrіp kelemіn”, – dep aǵynan jaryldy kásіpker.