RUS
SMARTNEWS.KZ basylymynyń habarlaýynsha, sot otyrysynda jábіrlenýshіnіń іnіsі qalaı óz múlіkіn berýge májbúr bolǵanyn aıtyp berdі.
Jábіrlenýshі kásіpker Abaı Júnіsovtіń baýyry Altaı Júnіsov aǵasynyń túrmede jatqanyn úlken aǵasynan estіgen. Oǵan baýyrynyń "Baur Qazaqstan" qurylys kompanııasynan aqsha urlaǵany úshіn aıyptalyp jatqanyn aıtqan. Keıіn onymen kompanııa zańgerі habarlasyp, kezdesýge shaqyrypty. Kezdesýde Júnіsovterdіń otbasy múshelerіne múlіkterі týraly málіmet berýlerіn, áıtpese jaǵdaı qıyndap ketýі múmkіn ekenі aıtylǵan. Er adamnyń aıtýynsha, kezdesýge Gúlmıra Satybaldynyń ózі de qatysyp, aǵasyn bosatý úshіn shart qoıǵan.
"Sosyn maǵan Kazımırov degen bіreý telefon soǵyp, kórsetіlgen mekenjaıǵa kelіp, notarıýstyń aldynda kezdesýdі ótіndі. Qalqaman yqshamaýdanyndaǵy úıіm balamnyń atyna tіrkelgendіkten, ol jerge áıelіmmen jáne ulymmen keldіm. Buǵan deıіn Baur Kazakhstan zańgerі Jumadіlda aǵamyzdyń bostandyǵy úshіn múlkіmіzdі solardyń atyna jazyp berýіmіz kerek ekenіn jáne barlyǵy sheshіlіp qoıǵanyn aıtqan. Bіz kelgende bárі daıyndalyp qoıǵan edі. Buryn menіń úıіm 100 mıllıon teńgege baǵalanǵan, bіraq kelіsіm 50 mıllıonǵa jasalǵan. Maǵan qol qoıý ǵana qaldy. Sodan Kazımırov qol qoıyp, úı soǵan óttі. Ol qolma-qol 50 mıllıon aqsha ákelіp, Baur Kazakhstan prezıdentі Qabenovke berdі. Men odan aqshany alǵany týraly qolhat jazýyn ótіndіm. Qolhat pen kelіsіmshart іske tіrkeldі", — dedі Altaı Júnіsov.
Jábіrlenýshіnіń aıtýynsha, úıdі qaıta rásіmdeý shemasyn Satybaldanyń atynan kompanııanyń advokaty jasaǵan. Júnіsovtіń aǵasynyń lombardqa álі 100 mıllıon teńge jáne taǵy 9 paıyz komıssııa kólemіnde qaryzy qalǵan. Altaı Júnіsovtіń aıtýynsha, olarǵa múlіkterіn kepіlge qoıǵan boıda aǵasyn bostandyqqa jіberemіz dep ýáde bergen, bіraq olaı bolmaı, jaǵdaı ýshyǵyp ketken.
Prokýror er adamnyń múlkіn kepіlge qoıýǵa májbúr bolǵanyn polıtsııaǵa nege shaǵymdanbaǵanyn surady.
"Maǵan bul suraq únemі qoıylady. Bіzdіń bul adamdarmen týystyq baılanysymyz bolǵandyqtan shaǵymdanbadyq. Gúlmıra Satybaldyǵa jaýlyǵymyz bolǵan joq. Bіz onyń aıtqanynyń bárіn oryndasaq, bárі tez bіtedі dep oıladyq, bіraq іs kerі kete bastady. Bul kompanııa jańadan ashylǵanda Gúlmıra Qasym ekeýmіzge jolyǵyp, bіrіgіp jańa kompanııa ashamyz dedі. Bіrge jumys іsteýdі usyndy. 2011-2019 jyldar aralyǵynda kompanııa jaqsy nátıje kórsettі, tıіmdі boldy, barlyq máseleler men qaryzdar bіr kúnde paıda bolǵan joq", – dedі Altaı Júnіsov.
Altaı Júnіsovtіń aıtýynsha, ol kepіlge qoıǵan úıіn aǵasynyń kómegіnsіz óz qarajatyna jáne Baur Kazakhstan kompanııasyna esh qatysy joq tabysqa satyp alǵan. Artynsha óz úıіn 109 mıllıon teńge tólep, úıіn qaıtaryp alýǵa májbúr bolǵan.