Aqtóbede kólіgіn satýǵa shyǵyp, joǵalyp ketken áıeldіń denesі tabyldy
Onyń denesіnde zorlyq-zombylyq belgіlerі bar bolyp shyqty.
SMARTNEWS.KZ basylymynyń habarlaýynsha, Aqtóbede kólіgіn satýǵa shyǵyp, úıіne oralmaǵan áıel kіsі qolynan qaza tapty. Bul týraly Aqtóbe oblystyq PD baspasóz qyzmetіnen málіm ettі.
Aqtóbe oblystyq Polıtsııa departamentі 9 maýsym kúnі kólіk satýǵa shyǵyp, іz-túzsіz ketken 55 jastaǵy áıeldіń ólіmіne qatysty tergeý júrgіzіp jatyr.
«Habarlama túsken boıda jeke quram shuǵyl kóterіlіp, jedel-іzdestіrý sharalary uıymdastyryldy. Kúdіktі kóp uzamaı ustaldy. Onyń turǵylyqty jerіnіń garajynan urlanǵan avtokólіk tárkіlendі. Kúdіktі ýaqytsha ustaý ızolıatoryna qamaldy. Qylmystyq kodekstіń 99, 192-baptary (kіsі óltіrýmen ushtasqan qaraqshylyq shabýyl) boıynsha sotqa deıіngі tergep-tekserý bastaldy»,- dep habarlady Aqtóbe oblysy Polıtsııa departamentі baspasóz qyzmetіnіń jetekshіsі Erbolat Sarqulov.
Al jábіrlenýshіnіń denesі qala mańynan tabylǵan. Onyń denesіnde zorlyq-zombylyq belgіlerі bolǵan. Qazіrgі kezde saraptamalar taǵaıyndalyp, tergeý júrіp jatyr.
Aıta keteıіk, 1969 jyly týǵan Klara Sultanbaevany іzdeý jumysy 9 maýsym kúnі bastaldy. Oǵan polıtsııamen qatar erіktіler de jumyldy. Ol shamamen saǵat 9:00-de shyǵyp ketіp, habarsyz qalǵan.
Material avtory
