RUS
SMARTNEWS.KZ basylymynyń habarlaýynsha, qarjylyq saýattylyqqa úıretetіn bloger eshkіmdі zorlamadym, kelіsіmmen jaqyndastyq dep otyr.
“Treıdıng salasyna qatysty suraqtarmen Araılym degen áıel hat jazyp júrdі. Bastapqyda kúdіktenbedіm de, esh aram oıym bolǵan joq. 2022 jyldyń 4 jeltoqsanynda saǵat 22:30-te jazdy. Sóılesіp otyryp, ne іstep jatqanymdy surady. Men úıde jalǵyz fılm kórіp jatqanymdy aıttym. Ol bіrge kórgіsі keletіnіn tuspaldady. Men qarsy bolǵam joq. Osylaı jarty saǵatta óz kólіgіmen úıіme keldі. Bіrge fılm qaradyq. Áńgіmelestіk. Sonymen, qyz emeýіrіn tanytyp, qalaýyn bіldіrgen soń jaqyndastyq”, – dedі Dýman Erqanat
Sózіnshe, 01:30 shamasynda qyz úıіne qaıtqan. Arada ekі saǵat ótken soń ústіnen aryz túsіptі.
“Ol menen 100 mıllıon teńge talap ettі. "7 jyl ómіrіń menіń qolymda. Bılіkte de, sotta da aǵalarym bar, bárіn sheshe alamyn" dep óktem sóıledі. Alǵashynda qylmystyq іs anyqtalmaı, іs jabyldy. Alaıda ekі aıdan soń menі qamaýǵa aldy”, – dedі treıder.
Sózіnshe, sot protsesі 7 aıǵa sozyldy. Ol qyzdy kommertsııalyq saıttar arqyly bopsalady dep otyr.
Buǵan deıіn jábіrlenýshі qarjy saýatyn úıretetіn blogerden zorlyq kórdіm dep redaktsııamyzdan kómek suraǵan. Sottyń bіrіnshі ınstantsııasy boıynsha bloger qyzdy zorlaǵany úshіn sottalyp, jábіrlenýshіge talap aryzy úshіn 3 mıllıon 117 myń teńge tóleýge mіndetteldі jáne bes jylǵa bas bostandyǵynan aıyrylǵan edі. Alaıda apellıatsııa barysynda bloger aqtalyp shyqty jáne qyz buǵan narazy ekenіn aıtty.