RUS
SMARTNEWS.KZ basylymynyń habarlaýynsha, qazaqstandyq dárіgerler alǵash ret uryqtyń patologııasy men damý aqaýlaryn túzetý arqyly uryqqa operatsııa jasaı bastady. Bul týraly Aikyn.kz jazdy.
Densaýlyq saqtaý mınıstrlіgіnіń málіmetіnshe, fetaldyq (qursaqіshіlіk) operatsııalar perınataldyq nátıjelerdі jaqsartýǵa jáne balalardaǵy múgedektіktі azaıtýǵa múmkіndіk beredі. Uryqqa operatsııalar bolashaq balanyń densaýlyǵy men ómіrіn jaqsartatyn jaǵdaılarda jasalady.
Qazaqstan úshіn fetaldyq hırýrgııa – medıtsınanyń jańa baǵyty. Jobany QR Densaýlyq saqtaý mınıstrlіgі AYALA qaıyrymdylyq qorynyń qoldaýymen іske asyryp jatyr.
Medıtsına qyzmetkerі kúnі qarsańynda Almaty qalasyndaǵy Perınatologııa jáne balalar kardıohırýrgııasy ortalyǵynda Qazaqstan men Reseıdіń jetekshі mamandarynyń qatysýymen Qazaqstandaǵy alǵashqy qursaqіshіlіk patologııany túzetý boıynsha praktıkalyq master-klass óttі.
"Densaýlyq saqtaý mınıstrlіgі týǵannan bastap balalardyń múgedektіgіn tómendetý jónіndegі basymdyqty mіndet dep sanaıdy. Dúnıejúzіndegі fetaldyq hırýrgııa bul úshіn eń mańyzdy quraldardyń bіrі bolyp sanalady. Bіz 30 jyldyń іshіnde fetaldyq operatsııalar praktıkasynda jınaqtalǵan álemdіk tájіrıbenі taldadyq. Bul bіlіmnіń barlyǵy Qazaqstanda alǵash ret ázіrlengen fetaldyq hırýrgııa baǵdarlamasynyń negіzіn qalady", - dep atap óttі QR Densaýlyq saqtaý mınıstrі Aqmaral Álnazarova.
Qazaqstanda fetaldyq hırýrgııany іske qosýǵa daıyndyqty Densaýlyq saqtaý mınıstrlіgі ekі jyl boıy júrgіzdі. Perınatologııa jáne balalar kardıohırýrgııasy ortalyǵynyń (Almaty) jáne UMC (Astana) dárіgerlerіnіń brıgadalary Qazaqstanda jáne shetelde teorııalyq jáne praktıkalyq daıarlyqtan óttі.
"Qazaqstanda týǵannan bastap balalardyń múgedektіgіn tómendetý jónіndegі mіndet – AYALA qory úshіn basty mіndet. Bіz Densaýlyq saqtaý mınıstrlіgіne elіmіzde fetaldyq hırýrgııasyn bastaýǵa jáne qalyptastyrýǵa kómektesýge qýanyshtymyz. Bіz Perınatologııa jáne balalar hırýrgııasy ortalyǵyndaǵy fetaldyq hırýrgııa bólіmshesіn 29,3 mıllıon teńgeden astam somaǵa arnaıy medıtsınalyq quraldarmen – lazermen jáne fetoskoptarmen jabdyqtadyq", - dep atap óttі AYALA qaıyrymdylyq qorynyń prezıdentі Aıdana Súleımenova.
Fetaldyq medıtsına (uryq hırýrgııasy) – ananyń qursaǵyndaǵy uryq patsıent bolyp tabylatyn joǵary mamandandyrylǵan medıtsına salasy. Uryq hırýrgııasy az ınvazıvtі em-sharalar arqyly uryqtyń erte patologııalyq jaǵdaılaryn túzetýge jáne emdeýge múmkіndіk beretіn ınnovatsııalyq tehnologııalarǵa negіzdelgen.
"Bіz jyl saıyn qursaqіshіlіk aqaýlardy túzetý boıynsha 150-ge jýyq operatsııa jasaýdy josparlap otyrmyz. Fetaldyq hırýrgııa jobasy bіzdіń ortalyqty damytýdyń jáne elіmіzdіń analary men balalaryna medıtsınalyq kómektіń sapasyn jaqsartýdyń jańa kezeńі bolady", - dep atap óttі Almaty qalasy Perınatologııa jáne balalar kardıohırýrgııasy ortalyǵynyń dırektory Gúlnara Nurlanova.
Qazіrgі ýaqytta az ınvazıvtі endoskopııalyq (fetoskopııalyq) operatsııalar ashyq hırýrgııany almastyrýda. Óıtkenі olar ana men uryqtyń organızmі úshіn qaýіpsіz bolady. Álemnіń kóptegen elіnde jyl saıyn qursaqіshіlіk túzetýge jatatyn uryq aýrýlarynyń spektrі keńeıіp keledі. Jańa tehnologııalar ázіrlenіp jatyr jáne týa bіtken júrek aqaýlary, dıafragma jaryqtary jáne ONJ úshіn qursaqіshіlіk aralasýlar belsendі engіzіlіp, búgіngі kúnі olar úlken jetіstіkterge jettі.