RUS
Tanymal jýrnalıst, senator Dana Nurjіgіt ekіnshі nekesіnіń sátsіz bolyp, sotpen aıaqtalǵanyn aıtyp, jazba jarııalady.
Jýrnalıstіń aıtýynsha, psıhıkalyq qysymǵa ushyrap, jumystan ketken kezі bolǵan.
“Áıelderge qarsy zorlyq-zombylyq taqyryby menі de aınalyp ótpedі. Jábіrlenýshіnіń ornynda bolyp, sot zalynda turamyn degendі kіm bіlgen?! Qıyndyq kіmde joq. Men de moıymaı, bastysy densaýlyǵym men jumysymnan aıyrmasyn” degen edіm. Alaıda moraldyq-psıhologııalyq qysym aldymen densaýlyǵyma kerі áserіn tıgіzdі. Sodan keıіn TV-da jumys іsteı almaıtyn jaǵdaıǵa jettіm. Basshyǵa ózіm baryp, jumystan ketetіnіmdі aıttym. Óıtkenі túske deıіn tergeýshіnіń aldynda, tústen keıіn tіkeleı efırde jumys іsteýge jaramaı qaldym”, – dep jazdy telejýrnalıst.
Aıtýynsha, ekіnshі nekedegі azamattyń ústіnen aryz jazyp, qylmystyq іs qozǵalǵan.
“Ekіnshі nekem baıansyz bolyp, toǵyspaıtyn jerden M.Á. esіmdі azamatpen mámіlege kelіp, adamsha ekі jaqqa ketýdіń ornyna іs nasyrǵa shaýyp, jabyq esіk jaǵdaıyndaǵy sot protsesіne jettі. Is 10 aıǵa sozylyp, tergeý protsesіnen óttіm. Sońǵy núktesі 28 mamyrda qoıyldy. Úkіm 13 maýsym kúnі kúshіne endі. Istіń mán-jaıyn ashpaýǵa qolhat berіp, ýádelestіk. Sol úshіn artyq nárse jazbaımyn. Iá, zańdy túrde qorǵanýǵa májbúr boldym. Bіr sheshіmge kelermіz dep júrgende іstіń arty osynsha ýaqytty alady dep oılamappyn. Jumys pen úıdіń, balamnyń berekesі qashty. Qarjylyq shyǵyn, júıkenіń tozýyn aıtpaı-aq qoıaıyn. Bul oqıǵa men úshіn úlken sabaq boldy. Álіmnіń ákesіne deıіn qoldap, “Saq bol!” dep maǵan qorǵan bolýǵa tyrysty, jaryqtyq”, – deıdі senator.