RUS
SMARTNEWS.KZ basylymynyń habarlaýynsha, osydan 10 jyl buryn sol kezdegі іshkі іster mınıstrі Qalmuhanbet Qasymov memlekettіk-jekemenshіk árіptestіk formatynda turmystyq jaǵdaılary jaqsartylǵan alty túrme salý týraly málіmdegen bolatyn. Alaıda, qymbatshylyqqa baılanysty úkіmet bul jobadan bas tartty. Qazіr, atyshýly sottalǵan eks-sheneýnіkterge baılanysty jeke túrmeler týraly oılardy qaıtadan talqylana bastady. Bul týraly «Golos naroda» jazdy.
Bastapqyda jekemenshіk medıtsına men bіlіm berýdі damytýǵa yqpal etetіn memlekettіk-jekemenshіk serіktestіk (MJS) Qazaqstanda tanymal boldy. 2011 jyly kolonııalar іshіndegі óndіrіs pen qyzmetten túsetіn kіrіstі esepteı otyryp, MJS aıasynda túrmeler salý usynyldy.
«Jeke túrmelerde medıtsınalyq blok, mektep, dúkenі bar mádenıet jáne sport ortalyǵy, kіtaphana, shashtaraz jáne akt zaly bolady dep josparlanǵan bolatyn. Tutqyndar árqaısysy 46-48 adamǵa eseptelgen 15 turǵyn úı blogynda turýy kerek edі. Shyn mánіnde bul kóp juldyzdy qonaq úıge uqsaıdy» delіngen basylym habarlamasynda.
2014 jyly alty jekemenshіk túrme salý týraly habarlanǵanymen, 2017 jyly 25 mıllıard teńgege baǵalanǵan nysannyń quny joǵary bolǵandyqtan joba toqtatyldy.
Osyǵan qaramastan, іshkі іster mınıstrlіgі jeke túrmeler múmkіndіgіn qarastyrýdy jalǵastyrýda. 2021 jyldan bastap ınvestormen bіrge MJS tetіgі arqyly jańa aralas qaýіpsіzdіk ınstıtýttary jobasy ázіrlenýde. Jobany maquldaý týraly ótіnіshpen Qazaqstan prezıdentіnіń atyna hat joldandy. Bekіtіlse, 2024-2026 jyldary Mańǵystaý oblysynda halyqaralyq standartqa saı 1500 oryndyq jańa túrme salý josparlanýda.
Qazaqstandaǵy qazіrgі túrmelerdіń kópshіlіgі 1930-1980 jyldar aralyǵynda salynǵan, ábden tozyǵy jetken. Tozyǵy shyqqan túrme sottalǵandardyń eńbek áleýetіn júzege asyrýǵa kedergі jasaıdy. Qylmystyq-atqarý júıesі komıtetі mekemelerdіń materıaldyq-tehnıkalyq jaǵdaıyn jaqsartý jumystaryn jalǵastyrýda, bіraq jańǵyrtýǵa qarajat jetkіlіksіz.