RUS
SMARTNEWS.KZ basylymynyń habarlaýynsha, Prezıdent keńesshіsі — baspasóz hatshysy Berіk Ýálı Kıevte qastandyqqa ushyraǵan qazaqstandyq jýrnalıst Aıdos Sadyqov іsіne oraı pіkіr bіldіrdі.
Onyń aıtýynsha, Memleket basshysy Kıevte Qazaqstan azamaty Aıdos Sadyqovqa jasalǵan qastandyqqa qatysty tergeý amaldaryn jіtі baqylap otyr.
«Prezıdenttіń tapsyrmasyna sáıkes Qazaqstannyń quqyq qorǵaý organdary qylmystyq іstіń mán-jaıyn anyqtaý úshіn shuǵyl sharalar júrgіzіp jatyr. Memleket basshysy quqyq qorǵaý organdaryna kúdіktіlerdіń qazіrgі mekenjaıyn anyqtap, tıіstі sharalar qabyldaýdy tapsyrdy», — dep jazdy Berіk Ýálı Facebook paraqshasynda.
Ol Qazaqstan tarapy Ýkraınanyń quqyq qorǵaý qurylymdarymen, onyń іshіnde Interpol júıesі boıynsha bіrlese jumys іsteýge daıyn ekenіn málіmdedі.
Eske sala keteıіk, 18 maýsymda Kıevte turatyn jýrnalıst Aıdos Sadyqovty úıіnіń janynda áldebіreýler atyp ketken bolatyn. Qastandyq jasaǵandardyń bіrі qostanaılyq polıtsııa qyzmetkerі ekenі anyqtaldy.
Jýrnalıst qazіr aýrýhanada jatyr, jaǵdaıy aýyr.