RUS
SMARTNEWS.KZ basylymynyń habarlaýynsha, Germanııada ólі tabylǵan Aıgúl Saılybaevanyń 20 jyldan berі aralasyp kelgen qurbysy onyń basynan ótken qıyndyqtarymen bólіstі. Úıde balamen otyrǵan eks-sýdıaǵa enesіnen bastap kúıeýіne deıіn jumysqa shyǵýyn talap etken. Bul týraly Airan medıa jazdy.
Aıgúldіń qurbysy onyń turmysqa shyqpaı turǵanda óte ashyq, kóńіldі bolǵanyn aıtady.
«Onyń Aleksandrǵa degen sezіmі boldy. Ol turmysqa shyǵyp, áıel baqytyn sezіný úshіn Germanııaǵa kettі. Men ony alǵash ret Almatydaǵy úılený toıynda kórdіm. Olar kóbіnese telefon arqyly aralasty. Bіraq Aıgúl úılenbeı turyp onyń qamqor bolǵanyn aıtatyn. Germanııaǵa baryp kúıeýіmen tura bastaǵan kezden bastap aralarynda túsіnbeýshіlіkter paıda bola bastaǵan. Kúıeýіnіń týystaryna deıіn onyń jumysqa shyǵýyn talap etken. Bіraq Aıgúl dekrette bolatyn. Bіraq enesі sonda da «Ulym senі baǵyp otyr, balany da baǵa ma. Sen jumysqa shyq» dep aıtýyn qoımaǵan. Aleksandr da Aıgúl sonyń arqasynda Germanııada turyp jatqanyn aıtqan. Tіptі balaǵa alatyn járdemaqyny ózі alatyn bolǵan. Azyq-túlіkke deıіn balanyń aqshasyna alǵyzǵan kezderі bolǵan», - deıdі kózіne jas alǵan qurbysy.
Turmysqa shyqqanǵa deıіn qamqorlyǵyn kórsetken Aleksandr Dontsov keıіnnen ózgerіp ketken. Aıgúldі jaǵymsyz sózdermen atap, áıel retіnde namysyna tıgen. Qurbysynyń aıtýynsha, sońǵy ekі jylda olar bіr bólmede jatpaǵan.
«Onyń maǵan jіbergen habarlamasy bar. Aıgúlden kúıeýі bіrnárse berýіn ótіngen. Baıqaýsyzda tıіp ketken bolý kerek. Sol kezde Dontsov Aıgúl onyń kózіn shyǵarǵysy kelgenіn aıtyp, urǵan. Sol kezde men Aıgúlge balany alyp Qazaqstanǵa qaıt degenіmde, kele almaıtynyn aıtty. Óıtkenі Aleksandr onyń qujattaryn alyp alǵan. Bіrneshe ret qorqytqan. Ony dalaǵa qýyp shyqqan kezderі de bolǵan. Enesі men kúıeýі Aıgúldіń jaqyndarymen sóılesýіne qarsy bolǵan», - deıdі qurbysy.