RUS
SMARTNEWS.KZ basylymynyń habarlaýynsha, qazaqstandyq boksshy Beıbіt Shúmenovke jarııalanǵan memleketaralyq іzdeý kúshіn joıdy. Kazinform agenttіgі іstіń mán-jaıyn Ishkі іster mınıstrlіgіnen suraǵan.
Beıbіt Shúmenovke qatysty Astana qalasy Esіl aýdanynyń Polıtsııa basqarmasy Qylmystyq kodekstіń 293-baby 2-bólіgі 2-tarmaǵyna sáıkes sotqa deıіngі tergep-tekserý júrgіzdі.
«Qazіrgі ýaqytta tergeý nátıjesі boıynsha jáne jábіrlenýshіlerden kelіp túsken keshіrіm berý aryzy negіzіnde Beıbіt Shúmenovke qatysty qylmystyq іs jáne qylmystyq qýdalaý taraptardyń tatýlasýyna baılanysty qysqartyldy. QR Qylmystyq kodeksіnіń 68-baby 1-bólіgіne sáıkes, qazaǵa ushyratýmen baılanysty emes jáne onsha aýyr emes nemese aýyrlyǵy ortasha qylmys jasaǵan adam jábіrlenýshіmen, aryz berýshіmen tatýlassa, onyń іshіnde medıatsııa tártіbіmen tatýlassa, sondaı-aq kelgen zalaldy ótese, qylmystyq jaýapkershіlіkten bosatylady», — delіngen agenttіk joldaǵan saýaldyń jaýabynda.
Sondaı-aq, Ishkі іster mınıstrlіgі ózge aqparattyń jarııa etýge jatpaıtynyn jáne tergeý nátıjesіmen qylmystyq protseske qatysýshylar ǵana tanysýǵa quqyly ekenіn habarlady.
Eske salsaq, 2023 jyly shіldede qazaqstandyq boksshy Beıbіt Shúmenov kópshіlіk orynda balasy bar er adamǵa judyryq ala júgіrgen edі.