RUS
SMARTNEWS.KZ basylymynyń habarlaýynsha, Tarazdyq 33 jastaǵy 5 balanyń anasy, 6-shy balasyna júktі Balǵyn Ámіrhan KYN.KZ tіlshіsіne kúıeýі men ata-enesі, kúıeýіnіń týystary tarapynan kezіnde taıaq jegen bolsa, qazіr qysym kórіp jatqanyn aıtqan. Áıel úsh aı buryn bólek turýǵa ketkenіn aıtady, óıtkenі sońǵy jarty jylda kúıeýі 5 ret ózіn qatty sabap tastapty. Sońǵysynda polıtsııaǵa aryz jazyp, qaıyn atasynyń ótіnіshіmen ol shaǵymyn qaıtaryp alǵan.
Sońǵy ret er adam áıeldі anasymen qosa urǵan kórіnedі. Sol kezde kópbalaly ana aryzdanyp, eks-kúıeýі 10 kúnge qamalǵan. Qamaýdan bosaǵan sátte "mennen ósh alýǵa kіrіstі" deıdі áıel.
"11 jasar qyzymyzben telefon arqyly 5 kúndeı toqtamaı sóılestі. Jaı kezde balalarynan habar da almaıtyn. Balalaryna nanǵa aqsha bermeıtіn edі. Endі qyzyma bárіn úıretіp, polıtsııaǵa "naǵashy ájem men anam urdy" degіzіp aryz jazdyrýda. Endі 141-shі statıa іske qosyldy, menі jáne anamdy 2 jylǵa sottatatyn túrі bar. Toqaev myrza, maǵan kómektesіńіzshі, 5 balamnan aıyrmańyzdar",-dep jylady kelіnshek.
Áıel dıplomdy dızaıner eken. Óńіrge tanymal tіgіnshі. Balalarymdy baǵý úshіn 7 kúndіk sábımen jumysqa shyǵamyn deıdі.
"Men eshqandaı da jatyp іsher, jalqaý áıel emespіn. Týsam Alla nesіbesіmen beredі dep týaberdіm. Kúıeýіmdі qatty jaqsy kórdіm. Álі de jaqsy kóremіn. Sol úshіn menі ajyratyp almaq bolǵan aǵammen urysyp, úsh jyl aralaspaı ketkenmіn. Endіgі kúıeýіmnіń qorlyǵyna shydaı almaıtynymdy túsіndіm. Búkіl otbasy maǵan "týa berme" dep urysatyn. Tіptі balany aldyryp tastaýǵa enem aqsha da bergen.
Qazіrgі bar ótіnіshіm ákesі qyzymnyń mıyn ýlasmasa eken. Balalaryma, maǵan tynyshtyq bersіn. Odan eshqandaı aqsha, alıment talap etpeımіn. Ol kіsіnіń mіnezі, psıhıkasy durys emes. Ol ýchaskelіk polıtsııa bolyp jumys іstedі. Paramen ustalyp, sottalǵaly turǵan kezde óz erkіmen jumystan kettі. Búkіl áýletterі zań salasynda laýazymdy qyzmetterde otyr, burynda da іstegen. Ata-enem de zań salasynda eńbek etken. Sol sebeptі 12 jyl taıaqtalsam da polıtsııa kúıeýіme esh shara qoldanbaıtyn",-dep egіldі áıel.