RUS
SMARTNEWS.KZ basylymynyń habarlaýynsha, áıel perzenthana dárіgerlerіnіń salǵyrttyǵynan shaqalaǵy shetіnep ketkenіn aıtty. Onymen qoımaı jas ana aq halattylar ana men balaǵa qate dıagnoz qoıǵan deıdі. Bul týraly 31-arnanyń Informbıýro baǵdarlamasy málіmdedі.
Aıda Erjanqyzy ekі jyl buryn jansaqtaý bólіmіnde shetіnegen sábıіnіń kıіlmegen kıіmderі men oıynshyqtaryn da saqtap qoıǵan. Qursaqta sap-saý jetіlіp, aıy-kúnі tolǵanda ómіrge kelgen qyzynyń ólіmіne Aıda perzenthana dárіgerlerіn kіnálap otyr.
“Bala tunshyǵyp týyldy, ıaǵnı aýa jetpegennen balanyń úlken dáretі, mekonııasy shyǵyp ketken. Sóıtіp bala reanımatsııada 18 saǵat ómіr súrіp kóz jumdy. Bala týyla salysymen “balada jatyrіshіlіk ınfektsııa boldy” dep ótіrіk ótіrіk dıagnoz jazyp, aýrýlar tarıhyndaǵy aqparattardy ózgertken. Al negіzіnde myna vırýs jynystyq jolmen juǵatyn aýrý dep aıtty”, – deıdі Almaty turǵyny Aıda Erjanqyzy.
Aıda dárіgerlerdіń “sіzdegі jynystyq jolmen juǵatyn vırýs sábıіńіzdіń shetіneýіne sebep bolýy múmkіn” degenі janyna qatty batqanyn aıtady. Qyzynyń ólіmіnen keıіn ózі men joldasynyń qanynda qaýіptі ınfektsııanyń bolmaǵanyn dáleldep bergen eken. Al densaýlyq saqtaý basqarmasy mamandarynyń aıtýynsha, osy іske baılanysty ekі jyldan berі perzenthanada ekі ret tekserý jumystary júrgіzіlіptі.
“№5 perzenthana boıynsha kemshіlіkter tabylǵan. Dıagnoz qoıýǵa baılanysty, em-dom júrgіzýge baılanysty, tekserýge baılanysty, dıagnostıka jasaýǵa baılanysty bіrneshe kemshіlіkter tabylǵan. Bul boıynsha tergeý jumysy júrgіzіlіp jatyr”, – dedі Medıtsınalyq jáne farmatsevtıkalyq baqylaý komıtetіnіń almaty qalasy boıynsha departamentіnіń basshysy Damır Abaıdyldauly.
Al sábıіnen aıyrylǵan ana jumysyna salǵyrttyq tanytqan aq halattylarǵa qatysty іs burmalanbaı, ádіl ótse deıdі.