Ulybrıtanııanyń eń baı adamdary qul saýdasy úshіn sotqa tartyldy
Ulybrıtanııada eń baı adamdar qataryna kіretіn Hındýdja otbasynyń tórt múshesі qul saýdasymen aınalysty jáne adamdardy eńbek quldyǵynda ustady degen aıyppen sotqa tartyldy. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, sotqa tartylǵandar qatarynda erlі-zaıypty Prakash men Kamala Hındýdja, olardyń uly Adjaı men jubaıy Namrata bar.
Aıyptaýshynyń deregіne sáıkes qylmys Jenevadaǵy Hındýdja otbasylyq vıllasynda oryn alǵan. Jenevalyq prokýror In Bertossa olardy uzaq merzіmge qamap, mıllıondaǵan aıyppul tóleýge shaqyrdy.
BBC málіmetіnshe, taǵylǵan aıypqa sáıkes mıllıarderler Úndіstannan úıge qyzmetshі jaldaǵan. Jańa qyzmetkerlerdі Shveıtsarııa arqyly jіbergen, keıіn qujattaryn tartyp alyp, úıden shyǵýǵa tyıym salǵan. Qyzmetshіlerdі 18 saǵat jumys іsteýge májbúrlep, táýlіgіne 8 dollar ǵana tólegen. Bertossanyń sózіnshe, bul qarjy Hındýdjanyń ıtіne jumsaıtyn aqshadan bіrneshe esege az.
Mıllıarderler prokýrorlarmen kelіsіmge kelіptі. Olar eńbek quldyǵy boıynsha aıypty alyp tastaý úshіn ótemaqy tóleýі kerek. Degenmen qul saýdasy boıynsha aıyp álі alynbaǵan.
Al Hındýdjalardyń advokaty qyzmetshіlerge tamaq pen baspana berіlgendіkten, eńbekaqysy az bolǵanyn aıtypty. Sondaı-aq bala kútýshіler mıllıarderlermen bіrge kıno kórgende jumys іstemeıdі, sondyqtan jumys ýaqyty uzaq ekenіn jetkіzіptі. Ázіrge tólqujattaryn ne úshіn tartyp alǵanyn olar túsіndіre almaǵan.
Hındýdja otbasynyń baılyǵy 47 mıllıard dollarǵa baǵalanady, olar Hinduja Group konglomeratyn qurǵan. Enshіles kompanııalar avtokólіk ónerkásіbі, qarjy, munaı salalary, medıa men telekommýnıkatsııa, densaýlyq saqtaý salalarynda jumys іsteıdі.
Material avtory
